Nunaminertamik atugassiinermi atorneqarnissaanut piffissaliussat
Imm. 1. Sanaartornermut nunaminertamik atugassiinermi, sanaartornissamut akuersissummik piumasaqaateqarfiusuni, annerpaamik ukiuni marlunni atuisinnaasutut atugassiisoqartarpoq. Suliniut aallartinneqarsimappat aamma nunaminertamik atuinermi sulisoqarpat nunaminertamut pineqartumut nunaminertamik atugassiinissamut piffissarititaasoq kingulleq Kommunalbestyrelsip ukiut ataasiakkaarlugit sivitsortarsinnaavaa.
Imm. 2. Sanaartornissamut nunaminertamik atugassiinermi, sanaartornissamut akuersissummik piumasaqaateqarfiusuni, sanaartornissamut qinnuteqarnissamik pissaaq kingusinnerpaamik qaammatit aqqaneq marluk, ulloq nunaminertamik atugassiinermiit.
Imm. 3. Nunaminertamik atugassiineq nunaminertaq piffissaliunneqartup iluani atorneqanngippat nalunaarutitaqanngitsumik atorunnaarsinneqassaaq.