Nuuk assortorneqarsinnaanngitsumik Nunatsinni inuussutissarsiornermi qitiusutut inississimavoq. Tamatumani ingammik inuussutissarsiutit annertunerusut assartuinermut, pilersitsinermut aamma assassornermut tunngasut eqqarsaatigalugit. Inuussutissarsiutini taakkunani Nuup inissisimanera tapersersorniarlugu aamma pitsanngorsarniarlugu piffissami ingerlasumi sulissutigineqarniarpoq assartuinermi aamma inuussutissarsiornermi qitiusoq, Qeqertani inuussutissarsiornermut umiarsualivik aamma maannakkut suliffeqarfiit inissisimaffiat Pukuffik aallaavigalugit.
Sumiiffik - inuussutissarsiuteqarfik pioreersoq - tamatuma kingorna tassaalissaaq Qeqertani umiarsualivik inuussutissarsiornermik ingerlatsiffiusoq nutaaq, Pukuffiup eqqaani avannaanilu inuussutissarsiuteqarfik alliligaq aamma pineqaatissinneqarsimasunut inissiisarfiup pilersinneqareersup avannaani inuussutissarsiuteqarfik.
Nuummi mittarfissap nutaap eqqaani sumiiffiit ungasinnerusumi inuussutissarsiuteqarfiit pioreersut pitsanngorsaataattut isigineqarsinnaapput.
Qeqertat siunissami nunniorneqarneratigut nunaminertat inuussutissarsiorfiusussat qulakkeerneqarlutillu inuussutissarsiorfiit ataqatigiisinniarneqarnerannut iluaqutaassaaq.
