Piffissami aggersumi Tasersuup eqqaa pillugu pilersaarutip tamakkiisup atuutsilersinneqarneranik kommuni suliniuteqassaaq.
Siuliani piffissami pilersaarusiorfiusumi atuisut annertuumik peqataatinneqarput aamma aneerasaartarfimmik atuinermik nalunaarsuisoqarpoq.
Tamatuma nutarterlugu aamma allanngortillugu parkinngortinnissaa illoqarfiup innuttaasuinit takornarianillu nuannarineqassaqaaq. Illoqarfiup qeqqata aamma oqaluttuarisaanermi Nuup Nuutoqqap eqqaata akornata aammattaaq ataqatigiissunngortinnissaannut maannakkut ilungersuuteqarnermut parkip ineriartortinnissaa attuumassuteqarportaaq.
Sammisassat ilagissavaat sumiiffiata aamma orniguffissat nunaminertat, aqqusineeqqat aamma aqqusernit qanoq isikkoqarnissaannik ilusilersuinissaq, naasunik ikkussuinissaq aamma qullilersornissaa, ikaartarfiit, kusserngit, issiaviit bænkit ilusilersornissaat aamma sukuutsertarfiusinnaasumik aamma imermik atorlugu eqqumiitsuliamik ilusilersuinissaq.
