Immikkoortut

Immikkoortut ilaannut ataasiakkaanut nunaminertanik atuineq pingaarnertut aaqqissuussinerni aalajangersarneqartarput aamma illoqarfiit eqqarsaatigalugit immikkoortiterneqartarput nunami ammaannartumik sanaartornermut atasumik.

Illoqarfinni immikkoortunut ilaasut immikkoortuni ilisarnaatigaat A-E, aamma nunani ammaannartuni immikkoortut assigiinngitsut K-O-mik ilisarnaateqarput.

Illoqarfinni, nunaqarfinni aamma najugaqarfiit immikkoortut assigiinngitsut:

  • Inissiaqarfiit (immikkoortut A-t)
  • Inuussutissarsiuteqarfiit- aamma umiarsualiveqarfiit (immikkoortut B-t)
  • Ataatsimut siunertanut immikkoortut (immikkoortut C-t)
  • Sumiiffik atorneqanngitsoq sunngiffimmilu sammisaqarnermi atortut anginerit (immikkoortut D-t)
  • Teknikkimut atuuttut aamma attaveqaasersuinermi atortut (immikkoortut E-t)

Nunaannarmi immikkoortut assigiinngitsut:

  • Sumiiffiit sunngiffimmi illuaraqarfiusut aamma aasarsiortarfinnik illoqarfiusut il.il. (immikkoortut K-t)
  • Sumiiffiit qasuersertarfittut atorneqartut immikkuullarissut (immikkoortut L-t)
  • Sumiiffiit savaateqarfissatut, nunaateqarfissatut, imaani atugassatut, orpippassuaqarfittut, qimmilivissatut il.il. immikkoortitaasut. (immikkoortut M-t)
  • Sumiiffiit teknikkimut atuuttut aamma attaveqaateqarfiusut il.il. (immikkoortut N-t)
  • Sumiiffiit, sanaartorfiussanngitsut (immikkoortut O-t)

Immikkoortunut assigiinngitsunut aalajangersakkat nalinginnaasut
Immikkoortut assigiinngitsut suussusiannut aalajangersakkat nalinginnaasut tassaapput aalajangersakkat immikkoortut atugassiissutigineqartut akimorlugit atuuttut aamma tunngaviatigut immikkoortut ataasiakkaat ilaannut atuuttut, immikkoortumut tassunga tamakkiisumik imaluunniit immikkuualuttunut immikkut aalajangersagartaqanngitsunut.