Piffissami 2020-2032-p tungaanut nuummi inissiat pisariaqartinneqartut
Nuummi inissianik pisariaqartitsineq innuttaasut amerliartorneranut attuumassuteqarpoq, nalilerneqarlunilu ullumikkut inissaaleqineq matussuseqarneqassappat inissiat ataatsimut isigalugu 650-it pisariaqartinneqartut.
2032-mi innuttaasut 25.000-inik amerlassuseqassangatinneqarmat inissiat pisariaqartinneqartut 2.100-ssangatinneqarput.
Illoqarfik najugariuminartuuinnassappat eqiterisitsinissamut periarfissat killeqartut nalilerneqarpoq. Taamaammat eqiterisitsinermut ilanngullugu allanngortiterineq pissaaq.
Inissialiassanut 1.181-inut pilersaarusiornermi tunngavissamik piffissaliussamillu suliaqartoqarnikuuvoq, Nuummi inissianut pioreersunut (eqiterisitsinermut) atatillugu aamma inissiat 503-t illoqarfimmik inerisaanermi sanaartorneqassallutik.
Aammattaaq inissianik allanik nutaanik ikinnerpaamik 1.066-inik pilersaarusiortoqassaaq.
Inuussutissarsiutinik ineriartortitsineq
Ilinniartut ineqarfiinik amerlanerusunik suli annertuumik pisariaqartitsisoqarpoq. Tamanna pillugu inuussutissarsiuteqarfiit ataqatigiissaagaanerat pitsaanerulersinneqarlunilu annertusarneqassaaq.
Aammattaaq inuussutissarsiorfiit oqimaatsuleriffiusut katersorniarlugit inuussutissarsiorfiit allat ataqatigiissaqqinneqassapput.
Pisortat kiffartuussiviinik ineriartortitsineq
Illoqarfiup alliartornera ilutigalugu immikkoortut arlallit ineriartortitassaapput:
- atuarfiit
- meeqqeriviit
- utoqqaat illui/ -inissiat
- Angerlarsimaffeqanngitsut
- Nutaamik iliveqarfiliornissaq
- toqusut timaannik ikuallaaviliornissaq
Attaveqaasersuutitigut ineriartortitsineq
- Nuussuarmi sullorsuup annertusarnera
- Tamanut angallanneq pitsaaneq
- aqqusinernik aqquteeqqanillu annertusaaneq
- Siorarsiorfiup tungaanut sullorsuaq
- Kuuffissuarnik annertusaaneq/iluarsartuussineq
- Umiatsialivik
