Nunaminertat sanaartorfigeqqusaanngitsut nunaminertallu sunngiffimmi sammisassaqartitsinermi atortulersuutitallit, nunaminertat tamakku atorneqarnerini ingerlanneqarnerinilu atortulersuutit pisariaqartinneqartut eqqaassanngikkaanni, sanaartorfigineqassanngillat. Sanaartorfigeqqusinnginneq tamanna ilutsimi pingaarnermi aqqusinissatut, aqqusineerassatut, ledningeqarfissatut teknikkikkullu atortulersuuteqarfissatut - soorlu tele aqqutigalugu sumiissusersiutit, teknikkikkut nakkutilliissutit aamma sumiiffimmi aalisarnertut, piniarnertut sukisaarsarfittullu siunertat pisariaqartinneqartut - aallaavigineqartut piviusunngortinneqarnissaannut akornutaanngilaq.
Immikkoortumi sunngiffimmi atugassanik sanaartornissaq periarfissaavoq soorlu hotelit, illoqarfeeraq illuaraqarfik imaluunniit sanaartukkat assingusut sukisaarsaarfittut atortunut pissusissamisoortut takornariaqarnermut soqutiginaateqarsinnaasut.
Immikkoortut ilaasa nunatat sukisaarsarnermilu naleqartitat allanngortinneqassanngillat.
Nunaminertat sanaartorfigeqqusaanngitsut (D1)
Nunaminertat sanaartorfigeqqusaanngitsut tassaapput nalinginnaasumik sanaartorfigeqqusaanngitsut aamma sukisaarsarnernik siunertaqartunut atorneqartut – assersuutigalugit illoqarfimmut qanittumi pinngortitaq /asi, nunaminertat ataatsimoorussat sanaartorfigineqanngitsut, nunaminertat qorsuusut /aneerasaartarfiit, aqqusineeqqat, qimussit aqqutaat – aamma iliveqarfik, qimmilivik assigisaallu.
Sunngiffimmi sammisassaqartitsinermi sukisaarsartarnermilu atortulersuutit (D2)
Immikkoortut ilaat sunngiffimmi sammisassaqartitsinermi atortulersuutinut assersuutigalugit timersortarfiit, sisorartarfiit, nuannaariartaatinut umiatsialivik, ooqattaasarfik, tupeqarfik, katersugaasiveqarfik, saqqummersitsiveqarfik assigisaallu ilaatinneqarput.