Qitiutinneqartut tassapput nunap immikkoortui aalajangersimasut, tassani ineriartortitsinissaq oqaluuserisassaneereerpoq aamma kommuneqarfimmit nalilerneqarpoq kommunimut pilersaarutissami immikkut pilersaarusiornissamut qitiutitsisoqarnissaa pisariaqarluni. Qitiutinneqartut illoqarfimmut ataatsimut pilersaarusiornermut aallaaveqarput. Qitiutineqartut makku toqqarneqarput:
- Tamakkiisumik pilersaarutip piviusunngortinnissaa
- Inissiarsuarnik isaterineq
- Nuna tamakkerlugu illoqarfinni nunat assinginik suliaqarneq
Piffissami aggersumi illoqarfiup qeqqa tamaat suli sammineqassaaq, tamatumani illoqarfimmi inuuneq, eqiterussimassuseq angissutsillu sammineqarnerussallutik. Inissiarsuarnik isaterineq nunaminertanillu eqqaaniittunik uummarissaaqqinneq aammalu immikkoortup ilaata tamassuma inissiaqarfiusimasup qitiusoqarfinngortinneratigut, illoqarfiup qeqqa ataatsimoortitsiffissatut pilersitsiffiussaaq. Nunap immikkoortuani illoqarfinnik assiliornikkut tamassuma oqaluttuassartaa kulturikkullu kingornussassat eriagineqarnissaat qitiutinneqarnissaallu suleqataaffigineqassaaq, tamatumuunalu aamma takornariaqarnikkut periarfissat ersarinnerulersinneqassallutik.
