Kommunimut pilersaarut 2032
Kommunalbestyrelsip 2. marsi 2021-imi ataatsimiinnermini Kommunimut pilersaarut 2032 atuutilersussatut aalajangiuppaa.
03.03-2021 tamanut saqqummiunneqassaaq.
Nassuiaat aamma kommunimut pilersaarut
Inatsisartut inatsisaat nr. 17, 17. novembari 2010-meersoq (Pilersaarusiorneq pillugu inatsit) naapertorlugu kommunimut pilersaarut kommunimut pilersaarummi naatsorsuutigisanik kommunillu ineriartortinneqarnissaani anguniakkanik imaqartussaavoq.
Kommunimut pilersaarutip nassuiaatitaani kommunalbestyrelsip kommunimut pilersaarummik akuersissuteqarnissaanut tunuliaqutaasut tunngavilersuutillu allaaserineqarnissaat siunertarineqarpoq.
Killiffik aamma anguniakkat pillugit allaaserisaq
Nassuiaat inatsimmi § 15, imm. 2 naapertorlugu suliarineqartussaavoq imatullu imaqartussaalluni:
Killiffimmut nassuiaat immikkoortukkaarlugu agguagaq, tassunga ilanngullugit tullinnguuttut makku pillugit allaaserinninnerit kommunimi nunassittarnermi pissutsit, kommunimi innuttaasut inuussutissarsiutillu ineriartornerat kiisalu sanaartornermi pissutsit.
Anguniagassanut immikkoortoq, kommunalbestyrelsip kommunimi ineriartortitsinissamut nunaminertanillu atuinissamut kommunalbestyrelsip anguniagaanik allaaserinniffiusoq, tassunga ilanngullugit makkuninnga annertusaanerit inissiat sumiiffiillu inuussutissarsiuteqarfiusut, attaveqaatini sanaartukkat aamma isumaginninnikkut, kulturikkut ilinniartitaanikkullu sullissiviit, sumiiffiit sukisaarsaarfiusinnaasut kiisalu sumiiffiit nunaannarmiittut.
Pilersaarut pillugu nassuiaat, tassani kommunimut pilersaarut pilersaarutinut allanut sanilliullugu qanoq inissisimanersoq allaaserineqarpoq, tassunga ilanngullugit:
- Nuna tamakkerlugu pilersaarutit,
- Naalakkersuisut kommunillu aningaasaqarnermut pilersaarutaat kiisalu
Kommunit maannamut pilersaarutaat.