Biilinik inissiisarfiit

Nutaanik sanaartornermi aamma annertuumik allanngortiterinerni biilit uninngaartaarfiinik naammattunik amerlassusilinnik pilersitsisoqassaaq. Illup atuuffissatut siunertaa aallaaviussaaq biilit uninngaartarfiat atorneqassanersoq biilit uninngaartarfissaanik pisariaqartitsinermik aalajangiiniarnermi. Illu assigiinngisitaartumik atorneqassappat biilit uninngaartarfissaat aalajangerneqassaaq atuuffissat ataasiakkaat piumasaqaataasa katinnerisigut.

Biilit uningaartarfii ilusilersuinermi pilersinneqarsinnaapput naqqup ataani uninngaartarfittut imaluunniit uninngaartarfippiamik sanaartornikkut imaluunniit nammineq aqqusinerisap eqqaani uninngaartarfiliorluni.

Kommunimut pilersaarummut aalajangersakkani sukumiisuni allatut allassimasoqanngippat tullinnguuttut makku ikinnerpaaffissatut piumasaqaataapput:

  • Ilaqutariinnut ataatsinut illut /illut uigulukutsukkuutaat tamarmik immikkut biilinik inissiisarfillit: inissamut ataatsimut inissiisarfiit marluk - Nuummili immikkoortup ilaani 1-imi: Inissiamut ataatsimut inissiisarfik ataaseq
  • Ilaqutariinnut ataatsinut illut /illut uilukutsukkuutaat eqqaanni ataatsimut inissiisarfilinni: Inissiamut ataatsimut inissiisarfik ataaseq - Nuummili immikkoortup ilaani 1-imi: Inissiamut ataatsimut inissiisarfik affaq
  • Inissiat quleriit > 50 m²-init anginerusut: Inissiamut ataatsimut inissiisarfik ataaseq - Nuummili immikkoortup ilaani 1-imi: Inissiamut ataatsimut inissiisarfik affaq
  • Inissiat quleriit ≤ 50 m²-init mikinerusut: Inissiamut ataatsimut inissiisarfik affaq - Nuummili immikkoortup ilaani 1-imi: Inissiamut ataatsimut inissiisarfiup sisamararterutaa
  • Kollegiat assigisaallu: Inissianut tallimanut inissiisarfik ataaseq
  • Meeqqeriviit: 50 m²-imut ataatsimut inissiisarfik ataaseq
  • Allaffiit: 50 m²-imut ataatsimut inissiisarfik ataaseq
  • Suliffissuit sannaviillu: 50 m²-imut ataatsimut inissiisarfik ataaseq
  • Quersuit: 100 m²-imut ataatsimut inissiisarfik ataaseq
  • Sutorniartarfiit assigisaallu: Issiavissanut qulinut inissiisarfik ataaseq
    Niuertarfiit, kioskit grillbarillu: Tuniniaavimmut 25 m2-itut angitigisumut ataatsimut inissiisarfik ataaseq
  • Niuertarfiit nioqqutissarpassuarnik inissaatillit: 100 m²-imut ataatsimut inissiisarfik
  • Sanaartukkat allat: Pisuni ataasiakkaani tamani aalajangersarneqartassapput.

Illunut atortulersuutinulluunniit pineqartunut toqqaannartumik atasunut sapinngisamik biilinik inissiisarfiit inississorneqassapput. Biilinik inissiisarfiit imertaajarneqartassapput saligaatsuutinneqarlutillu.

Pisuni ataasiakkaani nunaminertanik atugassiinerni biilinik inissiisarfeqarnissamik piumasaqaatit allassimasarput, aamma tamakkunani sanaartukkat atorneqalinnginneranni biilinik inissiisarfiit qassit sananeqarsimanissaat piumasaqaatigineqarsinnaasarpoq.

Kisiannili kommunalbestyrelse, pissutsit immikkut ittut tamanna ajornartinngippassuk, atuineq eqqarsaatigalugu biilinik inissiisarfiit pillugit piumasaqaatit allanngortinneqarsinnaapput.

Aalajangersakkat nalinginnaasut naapertorlugit piumasaqaatit sakkortusineqarsinnaallutillu sakkukillineqarsinnaapput.

Cykelinik inissiiffiit

Inissiami atuisunut naammaginartumik inissiivissaqartitsiniarluni nutaamik inissialiornermi makkua sillimaffigineqassapput:

  • Inissiarsuit: Inissiamut ataatsimut cykelinut inissiivik ataaseq
  • Ilinniartut ineqarfii assigisaallu: Inissiamut ataatsimut cykelinut inissiivik ataaseq
  • Pisortat suliffeqarfiutaat: 50 m²-imut cykelinut inissiiffissat marluk
  • Allaffeqarfiit: 50 m²-imut cykelinut inissiiffissat marluk
  • Nerisassaarniarfiit pisiniarfiillu assigiinngitsunik nioqqutillit, kioskit grillbarillu: Pisiniarfiup nalaani 100 m.2-imut cykelinut inissiiffissat marluk
  • Pisortat illuutaat: 200 m²-imut cykelinut inissiiffissat tallimat

Biilinut innaallagiartortunut innaallagissamik immiisarfiit

Biilit uninngasarfii tallimaagaangata ataatsimik immiisarfilerneqartassapput.

Illoqarfiup killeqarfiani lastbiilit

Lastbiilit inissiaqarfiit eqqaannut inisseqqusaanngillat (immikkoortuni A-ni) aammalu usilersuinermi usingiaanermilu taamaallaat uninngatinneqarsinnaallutik.

Inissiivinnut aningaasaateqarfik

Sanaartorfissani uninngasarfiliinissamut angissusileriikkani ersarissumik naliliisoqareerneratigut aammalu kommunalbestyrelsimit akuersiffioreersuni, biilit uninngasarfissaat qassiussanersut pillugit immikkut ittumik akuersissuteqarfigineqarsinnaapput, taarsiullugu Inissiivinnut aningaasaateqarfimmut akiliutissamik akiliuteqareernikkut.

Immikkoortup ilaani pineqartumi naammaginartumik inissiiffissaliisoqarnissaanut atugassanik aningaasaliissuteqartoqartillugu, taamaappallu pingaarnertut pilersaarusiorneq kommunalbestyrelsip isumagissappagu - nalinginnaasumik ukiut tallimat killigitillugit aalajangersaaffiusumi, pilersaarummik aallartitsinissamut inissiiffissap angissusissaa eqqarsaatigineqartussatut ilanngunneqarpat.

Inissiiffissatut angissutsinik sanioqqutitsineq

Pisuni immikkut ittuni inissiiffissatut angissusiligaq immikkut akuerineqarsinnaavoq. Inissiiffissatut angissusilikkamik sanioqqutitsinerit tamarmik Kommuneqarfimmit akuerineqassapput - suliamik ingerlatsinermi toqqaannartumik imaluunniit kommunimut pilersaarummut tapiliussaq aqqutigalugu. Pissutsit immikkut ittut tassaasinnaapput, inissiiffissatut angissusiligaq inissiiffissanik pisariaqartitsinermik eqqortumik takussutissaqanngippat.