Immikkoortortat qitiutinneqartut

Illoqarfiup immikkoortui qitiutinneqartut tassaapput nunap immikkoortui, tamaani maannakkut ineriartorfiusinnaasutut oqaluuserisassaasut, aamma kommuneqarfimmit naliliiffigineqartut kommunimut pilersaarusiornissami immikkut pilersaarusiorfigineqarnissamut qitiutinnissamik pisariaqartitsisut. Illoqarfiup immikkoortui qitiutinneqartut maannakkut illoqarfioreersup eqikkarneqarneqarnissaanut ataatsimut pilersaarusiornissamit aallaaveqarpoq. Tulliuttut illoqarfiup qeqqani immikkoortortut qitiutinneqartussatut toqqagaapput:

  1. Imaneq
  2. Aqqaluks Park

Pilersaarusiorfiusumi kingullermi Nuup qeqqani suliniutit annertuut tulleriiaat ingerlanneqarput. Tuujuk aamma blok P-p eqqaa pillugu suliarpassuaqarpoq, aamma Imaneq sinerlugu illoqarfiup tamanit ornigarneqarsinnaanerata pitsaanerulersinnissaa annertuumik qitiutinneqarpoq. Piffissami aggersumi illoqarfiup qeqqa tamakkiisoq illoqarfiup immikkoortuatut qitiutinneqaannassaaq, illoqarfimmi inuunerup, ataatsimoornera aamma periarfissaqarnera – minnerunngitsumik Nuutoqqamit Sipisaq Avannarlermut oqaluttuarisaanermi pingaaruteqartoq eqqarsaatigalugu – taakku sammisaapput illoqarfiup isikkuata oqaluuserineqarnerani pingaaruteqartut.

Immikkoortut tulliuttuni taaneqartut qitiutillugit suliniuteqarfigineqarnissaannik suli pisariaqartutut nalilerneqarput:

  1. Imeqarfik – pillugu apeqqutaavoq imeqarfimmik atorunnaarsitsiartornissaq.
  2. Nuussuaq – illoqarfiup immikkoortua pitsanngorsarneqassasoq, suliassaqarfiit assigiinngitsut inissiaqarfiup inooqatigiinnut pitsanngorsaaffigissavaa, suliassami soqutigisallit assigiinngitsut amerlasuut peqataasariaqarput.
  3. Inuussutissarsiuteqarfik suli pitsanngorsagassaallunilu allilerneqassaaq.
  4. Qinngorput – suliaq aallartinneqareerpoq
  5. Sineriak sinerlugu aqqusineeraq – immikkoortukkaarlugu piviusunngortinneqassaaq
  6. Illoqarfimmi attaveqaatinut pilersaarut
  7. Ineqarneq pillugu immikkoortumut pilersaarut

Piffissami aggersumi Qinngutsinnut tunngasumik suliat ingerlateqqinneqassapput. Imarpikkoortaatinut umiarsualivik Qeqertaniittoq salliunneqartussani siulliuvoq, taamatut allilerinissamut attuumassuteqartut angallanneq pillugu aalajangerneqartartut pingaaruteqartuummata Nuussuup siuarsaavigineqarnissaanut aamma oqimaatsuleriffiusunik inuussutissarsiuteqarfiusunik ataqatigiissaakkamik inuussutissarsiuteqarfeqarnissamut pingaarutiliummat.

Siunissaq ungasinnerusoq isigalugu imeqarfik eqqaalu sulissutigineqalissaaq.