Takornariaqarnermi aalajangersimasumik qulequtaqarluni pilersaarusiorneq
Kommunalbestyrelsip akueraa FN-ip nunarsuarmi anguniagaanik allaffissornikkut sulinermi atuutilersitsisoqassasoq. Taakku kommunimi pilersaarusiami matumani saqqummiunneqarput.
Kommunip piujuartitsineq siunissamillu eqqanaarinninneq tunngavigalugit pilersaarusiorneqarnerani Kommuneqarfik Sermersuup sulinermini nunarsuarmi anguniakkat malitassamisut atorpai, kommunimi ingerlatsivinni tamarluinnarni pitsaassuseq aallaavigineqassalluni.
Ingerlaaseq piujuartitsisoq iluaqutaasumik sunniuteqarluartumillu angujumallugu pingaarnersiuilluni suliniarnissaq pingaaruteqarpoq. Taamaattumik nunarsuarmi anguniakkat pillugit periusissiami anguniakkat marlunnut immikkoortillugit sulissutigineqarput; anguniakkat pingaarnerit pingaannginnerillu.
Anguniakkat pingaarnerit periusissiamut tunngaviupput taakkulu kommunip anguniakkatut takorluugaani anguniagaanilu ataaniittuni itisilerneqassapput. Anguniakkanut pingaannginnernut tunngatillugu siullermik anguniagaassaaq maannakkut ingerlaaseq atorneqarnerusoq attatiinnarneqassasoq, taamaalilluni taakkunani pitsaanngitsumik takussutissiisoqaqqunagu.
- Anguniagaq 3 – Peqqissuseq atugarissaarnerlu
- Anguniagaq 4 – Ilinniagaqarluarneq
- Anguniagaq 8 – Suliffiit naleqquttut aamma aningaasaqarnikkut ineriartortitsineq
- Anguniagaq 9 – Suliffissuaqarneq, nutaaliorneq atassuteqaasersuutillu
- Anguniagaq 11 – Illoqarfinni nunaqqatigiikkuutaanilu piujuartitsineq
- Anguniagaq 12 – Akisussaassuseqartumik atuineq tunisassiornerlu
- Anguniagaq 13 – Silap pissusaanut tunngatillugu suliniuteqarneq
- Anguniagaq 17 – Iliuuseqarnermi peqateqarneq
