Qinngorput inerisarneqarnera - Nuummi illoqarfiup immikkoortuianik nutaajuneq - maanna ukiuni arlalinni ingerlanneqareersimavoq. Ullumikkut illoqarfiup immikkoortuatut ingerlalluartutut tunngavissat pilersinneqareersimapput inissiat, atuarfik aamma inuussutissanik nioqquteqarfiit arlallit pilersinneqarsimasut aallaavigalugit.
Piffissami aggersumi illoqarfiup immikkoortortaa kujammut immikkoortut arlalikkaarlugit sanaartorfigineqassaaq, sumiiffimmi nunap qanoq issusianik allanngutsaaliuinissamik erseqqissuutitsinissamillu siunertamik pingaartitsilluni illut ataatsimoortut nunalu sanaartorfigineqanngitsoq imminnut akuliussuullugit. Sanaartukkat akornanni aqqusineeqqat sumiiffinnik attaveqaasersuisuussapput. Sanaartugassat ataatsimut isigalugit annertuumik eqitigaassapput aamma portussutsimikkut assigiinngisitaarlutik illuliat marlunnik quleriit arfinilinnillu quleriillit suliarineqassapput.
Illoqarfiup immikkoortuani sanaartugassat kingulliit piffissami pilersaarusiorfiusumi matumani sanaartorneqassasut naatsorsuutigineqarput tamatuma kingorna eqiterinermik siunertaa ingerlanneqalissaaq.