Kommunip illoqarfinnik, nunaqarfinnik aamma nunanik ammaannartunik ineriartortitsinera ima agguataarneqarsinnaapput:
• Suliassaqarfiit assigiinngitsut, suliassaqarfiup ilaata atorneqarfissaanut aamma taamaattumik illup suunera tunngavigalugu aalajangersakkanik nalinginnaasunik allaaserisat, taakkununnga ilanngullugit immikkoortut assersuutigalugu inissiatut, inuussutissarsiornermut, teknikkeqarnermi atortutut imaluunniit nunalerinermik ingerlatsiffittut atuuttunut tunngasut.
• Aalajangersakkat nalinginnaasut, nalinginnaasutut aalajangiiffigineqarsimasut, suliassaqarfinnut assigiinngitsunut aalajangersakkat aamma suliassaqarfinnut assigiinngitsunut tamanut atuuttut, taakkunani aalajangersakkat immikkoortui immikkut erseqqissagaanngitsut imaluunniit tamakkiisumik matussusiillutik suliarineqarsimanngitsunut tunngasut. Aalajangersakkani nalinginnaasuni pineqarput assersuutigalugu nunaminertat sanaartorfiunngitsut, biilit uninngaartarfiini amerlassusissat, qimmeqarneq il.il.
• Nunap assingi taakkunani ajornanngitsunnguamik assiliartaliisinnaaneq immikkoortut ilaasa atorneqarsinnaasortaat, kommunip pilersaarutai aamma immikkoortut aalajangersagartallit (immikkoortut piumasaqaatitallit, qaartiterinerit il.il.).
Kommunip pilersaarutaani inatsisitigut sunniutit
Sinaakkutissat namminneerlutik suliniutinik akuersissutaareersunik allanngortitsisinnaanngillat taamaattut nutaatut qinnuteqaatigineqassagamik aamma immaqa aallaavittut kommunip pilersaarutaanut tapiliussamut nutaamut atasumik.
Kommunip pilersaarutaanut tapiliussamik suliaqarneq imaluunniit sanaartornermik suliamik tunngassuteqartumik suliaqarnivik sanaartornermut inatsit naapertorlugu periarfissanik killiliisinnaavoq imaluunniit erseqqissaasinnaavoq sinaakkutissatut aalajangersakkani allassimasut naapertorlugit, kommunip pilersaarutaanut tapiliussat nutaat kommunip illoqarfik, nunaqarfik aamma nuna ammaannartoq pillugit kommunip pilersaarutaanut naapertuutissallutik. Kommunip pilersaarutaanut tapiliussat akuersissutigineqareersimasut immikkoortup ilaanut immikkuualuttunut aalajangersaasinnaanernit nutaanit sunnerneqarsinnaanngillat.