UNESCO-mut qinnuteqarnissamut pilersaarut
2017-imi Kommuneqarfik Sermersuumit aalajangerneqarpoq Tasiilami aamma nunaqarfinni eqqaaniittuni piniarnermik- aalisarnermillu kulturi UNESCO-mi Nunarsuarmioqatigiinnut kingornussanngortinneqar-sinnaaneranut periarfissat misissorneqassasut, aamma piviusunngortinneqarsinnaasutut naliliisoqarpat – aqqutissamut eqqortumut innersuussisoqassasoq.
Nalunaarusiaq manna 2018-imi ilisimatusarnermit aamma paasissutissanik katersinermit kiisalu Tasiilap eqqaani piffissami 2018-imi juunimit aggustimut najuulluni sulianit tunngaveqarpoq. Ilisimatusarnermi kulturikkut kingornussat tigussaasut aamma tigussaanngitsut qitiutinneqarput, aamma najukkami sulinermi Sermillip kangerluani aamma Ammasallup kangerluani nunaqarfiit inuerunnikut orninneqartarput taamat-ullu takornariaqarnermik suliallit assigiinngitsunik soqutigisallit oqaloqatigineqarput apersorneqarlutillu.
Nalunaarusiaq tamakkiisoq linkikkut ugguuna pissarsiarineqarsinnaavoq: IIVIT – Sikorsuit tunuanni Inuit
