Illoqarfiup qeqqani inissisimapput pisiniarfiit, meeqqeriviit ataatsimoorfissatullu siunertat.
Immikkoortup ilaani 20A7-mi inissiarsuarnik isaterinikkut, immikkoortup ilaa tamanna inissiaqarfiujunnaarluni qitiusoqarfinngussaaq, tamannalu pillugu kommunimut pilersaarummi qitiusoqarfiup annertusinissaa periarfissinneqarpoq.
Taamaaliornikkut Paamiut qeqqa umiarsualivimmiit, inissiarsuit kujataaniit nunaminertanut illoqannginnersanut inissiarsuit ilanngullugit isorartutigilissaaq. Immikkoortoq nunaminertanut pingasunut immikkoortinneqarsinnaavoq, tamarmik immikkut ilisarnaateqartillugit:
- Umiarsualivitoqaq kuup paavata eqqaanni inississimasoq tamaanipput illoqarfimmi illut allanngutsaaliukkat amerlanersaat
- Immikkoortoq angisooq ataqatigiissoq, inissiarsuit pisiniarfiillu, inissiarsuit kuullu akornanniittut ilanngullugit.
- Kimmut illoqarfiup immikkoortua pisortat suliffeqarfiisa aamma atuarfiup eqqaa
Ataatsimut qitiusoqarfiup avataaniippoq illoqarfik tamaani qorsooqqittoqarluni aamma qaqqaqarluni illuliorfigineqanngitsunik.
