Piffissami pilersaarusiorfiusumi aggersumi Nuussuaq pillugu tamakkiisumik pilersaarummik ineriartortitsineq pingaartinneqassaaq. Anguniarneqarpoq illoqarfiup immikkoortortaa inissiaqarfittut kajumigineqartutut ineriartortinneqassasoq inissianik, silami periarfissanik aamma kiffartuussivinnik ullutsinnut naleqquttunik pilersorlugu.
Nuussuup aamma umiatsialiviup imminnut ataqatigiinnerat pitsanngorsarneqassaaq aamma ataatsimoornermi iluaqutaasinnaasut atorluarneqassapput.
Immikkoortortamik ineriartortitsinermi soqutigisallit assigiinngitsut apeqqutaapput aamma suliassaqarfiit assigiinngitsut suleqatigiissinnaanerat.
Maannangaaq pisariaqareerpoq Nuussuarmi inissiani pisortat pigisaannik amerlasuunik “uummarissaanissaq” pilersaarutinut ilaareerpoq. “Ummaarissaaneq” illut qanoq inneri, illut akornanni qanoq inuusoqarnera aamma ineqarnermut tunngatillugu isumaginninneq qitiutillugit ingerlanneqassaaq.
Aammattaaq Iggiaani umiatsialivimmik alliliinissamik periarfissaq suliani ilanngunneqassaaq.
