Illoqarfinni nunaqarfinnilu nunaminertat illunut sanaartukkanulluunniit atorneqartussaanngitsut aamma nunaminertatut allamut atugassiinerup iluaniinngitsut, tulliuttut eqqarsaatigalugit nunaminertatut sanaartorfigineqanngitsutut ingerlanneqassapput:
- Immikkoortup tamanit tikinneqarsinnaanera qulakkeerneqassaaq.
- Nunaminertaq sanaartorfigineqarsimanngitsoq allanngortinneqassanngilaq imaluunniit pinngorsimanermisut issaaq saligaalluni, inissiiviunani eqqaaviunanilu. Igitaasimasinnaasunik ikuallaaneq inerteqqutaavoq aamma nunaminertanik sanaartorfiusimanngitsunik atuineq inunnut allanut ippinnartuusariaqanngilaq.
- Nunaminertat sanaartornermut aamma pilersitsinermut sulianut atasumik atorneqarsimasut pissusissamissut ileqqeqqullugit iluarsaallugit suliarineqassapput.
- Kommunalbestyrelsi piumasaqaateqarsinnaavoq nunaminertap sanaartorfiunngitsup aalajangersimasumik ilusilersorneqarsinnaaneranut immikkoortortami sumiiffimmini aamma illoqarfimmut tulluartunngoqqullugu.
Qinnuteqarnerup kinguneranik nalunaartoqarsinnaavoq inuussutissarsiornermik suliffeqarfinnut atasumik nunaminertat sanaartorfiunngitsut 1,8 meterisut portutigisumik ungaluneqarsinnaasut. Ungalut qisunnik imaluunniit saviminernik qassutaasanik suliarineqarsimassapput. Nunaminertamik atuineq avatangiisinut ulorianartuuppat imalluunniit ippinnartuuppat kommunalbestyrelsi ungaluleeqqusilluni piumasaqaateqarsinnaavoq.
Inissiat eqqaanni naatsiiviit/nuna sanaartorfiunngitsoq kaajallallugu qisummik ungaluliortoqarsinnaavoq annerpaamik 1,2 m-inik portutigisumik.
Inissiinissamut aalajangersimasumik naliliineq tunngavigalugu antenninut napparutit assigisaallu, inunnut tamanut iluaqutissatut tapersersuutaasinnaasunik, pilersitsinissaq periarfissaasinnaavoq.
