Pilersaarut pillugu nassuiaat
Pilersaarutip nassuiaatitaani allaaserineqassaaq, kommunimi pilersaarusiornermi nuna tamakkerlugu pilersaarummut tunngatillugu qanoq inissisimanersoq. Tulliuttuni Nuna tamakkerlugu pilersaarusiamut naleqqiussinermut, Kommunimut pilersaarusiornermi Namminersorlutik Oqartussat soqutigisaat, Nunap immikkoortuisa ineriartortinnissaannut periusissaq (RUS), kiisalu aningaasaqarnermut pilersaarusiaq nassuiarneqassaaq.
Nuna tamakkerlugu pilersaarusiornermut nalunaarusiaq 2015
Uuttuutit pingaarnerit killiffissiorneqarput aamma ataqatigiissaarinissamut pisariaqartitsineq nassuiarneqarpoq aamma timitalersorlugu pilersaarusiornerup aningaasaqarnermullu pilersaarusiornerup ataqatigiinnera nassuiarneqarpoq, tamatumalu saniatigut Nuna tamakkerlugu pilersaarusiami immikkoortunut pilersaarutinik tamakkiisumik takutitsisuupput sumullu taakku killinneranik takutitsisuullutik.
Kommunip pilersaarusiorneqarnerani Namminersorlutik Oqartussat soqutigisaat
2015-imi Namminersorlutik Oqartussat "Kommunimut pilersaarusiornermi Namminersorlutik Oqartussat soqutigisaat" akueraat, tassanilu naatsorsuutigineqartut anguniakkallu pingaarnerit nassuiaatigineqarput, taakkulu kommunip pilersaarusiornerminni toqqammavigissavaat, Namminersorlutik Oqartussat kommunit pilersaarusiortarnerannut piumasaqaataat nassuiarneqarlutittaaq.
Nunap immikkoortuisa ineriartortinnissaannut periusissaq (RUS)
RUS marlunnik immikkoortoqarpoq: immikkoortoq Nunamut tamarmut tunngasoq, taannalu Nuna tamakkerlugu immikkoortunut periusissatut Namminersorlutik Oqartussat ilanngussaraat, aappaa tassaavoq Nunap immikkoortuinut tunngasoq, taannalu kommunit Nuna tamakkerlugu killiliussanut naleqqiullugu ilanngussaraat.