Inissiaqarfinnut inissiaqarfioreersut inissiaqarfiillu nutaat ilaatinneqarput.
Inissianik sanaartornermut atasumik naatsiivinnut, ammasunik aneerasaartarfinnut, quinut aamma illuaqqamik sanaartorsinnaanermut nunaminertanik tunniussisoqarsinnaavoq. Quinik sanaartornernut ilaapput garageat, biilit uninngaartarfii qulisat, illuaqqat, naasuusiviit, ukiukkut naasuusiviit, aneerasaartarfiit qulisat assigisaallu, taamaattoq immikkoortumi ungasissutsinut sanaartornermut maleruaqqusat eqquutsinneqassapput.
Nunaminertamik agguaassineq taamaallaat nalunaarutigineqarsinnaavoq nunap pissusaata, ikuallattoornissamut ungasissutsip eqqaamiorisallu isikkiviinut tunngassutillit ajornartinngippassuk.
Naatsiiviit ungaluneqarsinnaapput annerpaamik 1,2 meterisut portutigisumik.
Ammasumi pukkitsunik inissianik sanaartorneq (A1)
Ammasumi pukkitsunik inissianik sanaartorneq ima paasineqassaaq immikkoortortami annermik ilaqutariinnut ataatsinut imaluunniit marlunnut/illunik affarleriinnik sanaartortoqartoq. Ilaqutariinnut ataatsinut illumi inissiaq ataasiuvoq ilaqutariinnut marlunnut illumi inissiat marluullutik, sanaartukkami inissiat ammorluinnaq (affarleriit) imaluunniit quleriittut agguarneqarsinnaapput.
Akulikitsunik - pukkitsunik inissianik sanaartorneq (A2)
Akulikitsunik pukkitsunik inissianik sanaartornermi pineqarput inissiat uiguleriiaat, inissiat ataqatigiiaat aamma illut eqimattakkuutaat.
Illut uilukutsukkuutaat sukumiisumik nalilersuisoqareerpat qummut sammisunik avissaarfilersorneqassapput.
Quleriinnik inissialiat (A3)
Quleriinnik inissialiat imatut paasineqassapput; aqquserngup sinaani inissiat, inissiaqarfissuanngorlugit inissialiat aamma illut immikkuullarissut pingasunik amerlanernilluunniit quleriillit.
Akuleraartunik inissiaqarfik (A4)
Akuleraartunik inissiaqarfiit ammasunik-pukkitsunik, imminnut qanittunik-pukkitsunik aamma quleriinnik inissiat akuleraartunik nassuiarneqarput.
Akuleraartunik inissiaqarfimmi, kommunalbestyrelsimi nunaminertap allatut atorneqarnerata ajornartinngikkaa naliliisoqarpat, naatsiivinnut nunaminertanik atugassiisoqarsinnaavoq, immikkoortut ilaasa ataasiakkaat inissaqassusii aalajangiusimaneqarpata.
Naatsiiviit portunerpaamik 1,2 meterisut portutigisunik ungaluukkiorneqassapput.
Inissiaqarfinni nunaminertat sanaartorfigineqanngitsut
Nunaminertat sanaartorfigineqanngitsut siunertanullu allanut atugassiissutigineqarsimanngitsut sunngiffimmi ataatsimut sammisassaqarnernut taamaallaat aaqqissuunneqarlutillu atorneqassapput. Inissialiortiternermi meeqqat pinnguartarfissaannut nunaminertanik atugassiisoqassaaq. Nunaminertami atugassiissutigineqartumi pinnguartarfiit inissiat atorneqalinnginnerini sananeqassasut piumasaqaatigineqarsinnaavoq.
Nunaminertanik sanaartorfigineqanngitsunik atuinermi Kommuneqarfik Sermersuumi umiatsianik inaalitsiveqarneq aamma qitsuuteqarneq qimmiuteqarnerlu pillugit malitassat ileqqoreqqusallu sukkulluunniit atuuttut atuupput. Containerinik inaalitsinerit pillugit aalajangersakkat nunaminertanik atugassiinertigut aalajangersarneqartarput.
Inissiaqarfinni suliffeqarfiit
Immikkoortut ilaanni inissianut siunertaqartuni suliffeqarfinnik niuertarfinnillu mikinerusunik piumasaqaatit tullinnguuttut makku naammassineqarsimappata kommunalbestyrelsip tamakkuninnga ingerlatsinissaq akuersissutigisinnaavaa:
- Suliffeqarfik illumi najugaqartumit ingerlanneqassaaq.
- Suliffeqarfik immikkoortup ilaani inissiaqarfittut isikkua aserornagu ingerlanneqassaaq, tassunga ilanngullugu allagartarsualersornikkut qullilersornikkullu.
- Suliffeqarfik eqqaamiorisanut soorlu putsumik tipimillu akornusersuutaassanngilaq.
- Suliffeqarfik biilinut inissiisarfeqarnermi malunnaatilimmik pisariaqartitsinerunermik malunnaateqassanngilaq.
- Suliffeqarfik immikkoortup ilaani meeqqeriviliornissamut akornutaassanngilaq.
Kapitali 5-suliffeqarfiit
Immikkoortut B-ni inuussutissarsiornermik ingerlatsivinnik pilersitsisoqarsinnaavoq inissisimaffissaannut immikkut piumasaqaatitaqartunut, tassunga ilanngullugu immikkut mingutsitsisuusut inuussutissarsiornermik ingerlatsisoq tak Avatangiisit illersorneqarnissaannut inatsimmi kapitali 5. Qaqugukkulluunniit avatangiisit sunnerneqarsinnaanerannut pitsaaliuissutinik aaqqissuussisoqassaaq, taakkununnga ilanngullugit imikoq, uuliamik, akuutissanik aamma savimernit igitassat uninngasuutigineqarnerannut tunngasut isumannaarneqassapput.
Kiisalu containerinik, atortorissaarutinik atortunillu inissaqartitsiniarnermi pilersitsisoqarsinnaavoq, taamaattorli sumiiffik immiivittut, eqqaaveqarfittut assigisaanilluunniit atoqqusaanngilaq.
Inissiaqarfinni suliffeqarfiit pillugit immikkut ittut
Kommunalbestyrelsimit akuersissutigineqarsinnaavoq immikkoortuni inissiaqarfittut siunertaqartuni suliffeqarfiliortoqarsinnaanera, soorlu meeqqeriviit aamma ulloq unnuarlu paaqqinnittarfiit il.il., piumasaqaatit tulliuttut naammassineqarsimappata:
- Suliffeqarfik ima ingerlanneqassaaq, sumiiffiup najugaqarfittut isikkua allanngortinneqassanani, tamatumunnga allagartalersuineq qaammaqqusersuinerlu ilanngullugit.
- Suliffeqarfik eqqaamiorisanut soorlu nipiliornerulernermik aqqusinermilu angallannerulernermik akornusersuutaassanngilaq.
- Suliffeqarfik biilinut unittarfinnik amerlanerusunik pisariaqartitsiffiussanngilaq.