Piffissami aggersumi illoqarfimmi immikkoortut – pingaarnertut Qinngorput – allilerneqassapput kisianni aamma Nuummi Nuussuarmilu sumiiffiit ilaanni eqiterisitsineq pisariaqarput. Ineriartortitsineq taanna aallartinneqareerpoq soorlu siuliani pilersaarusiami illoqarfimmi sumiiffinni arlalinni inissiatut suliniutit angisuut aallartinneqarsimasut.
Inissiaqarfinnik pioreersunik alliliineq
Piffissami pilersaarusiorfiusumi aggersumi inissialiortiterneq eqiterisitsinermik ingerlatsiffissatut pilersaarutaasuni ingerlanneqarnerussaaq.
Matumani ineqarfinnik pioreersunik alliliinissamut pingaarnerpaatut periarfissat Nuussuarmiipput kiisalu Quassussuup Tungaani.
Allannguiffissatut periarfissat pingaarnertut tassaapput:
- Imeqarfiup allanngortinnera
- Telemut tunngasut
- Issortarfimmi sanaartorneq
- Mannguani sanaartorneq
- Iminami sanaartorneq
- Sarfaarsuit
Aammattaaq pinngortitamut ajoqutaanngitsunik eqiterisitsinermut tapertaasumik suliniutinik ataasiakkaanik ingerlaavartumik suliaqartoqartassaaq.
Taamatuttaaq ineqarfittut pioreersunut pilersaarutit tamakkiisut suliarineqarnissaat kissaatigineqarpoq: Blok 2-10 aamma Qapiarfiusaaq, kiisalu Qoorunnguaq avannarlermi suliarineqarsinnaasut qulaajarneqassapput.
