Nipiliortitsineq
Suliffeqarfiit nutaat aamma sunngiffimmi atortut nipiliortitsisartut nutaat pilersinneqarsinnaapput taamaallaat nipiliorfiunngitsuni aamma nipiliorfiunngitsutut immikkoortuusuni atortuniit nipiliorneq avatangiisit illersorneqarnissaannut inatsimmi malittarisassat malinneqarsinnaappata.
Illoqarfiup iluaniinnermi nipiliorfiusoq eqqarsaatigalugu aalajangersakkanik aalajangersaavigineqarsinnaavoq:
- Suliffiup nalinginnaasup avataatigut sanaartornermi nipiliortitsineq aamma illuliorneq.
- Aqquserniornermi nipiliortitsineq
- Unnuakkut inuuneq, neriniartarfiit aamma illoqarfiup atorneqarnera
- Suliffeqarfiit aamma paaqqinnittarfiit
- Sanaartorneq
- Saligaatsuuneq aamma atortuutit.
Qulliit
Immikkoortup ilaani aalajangersakkat (kommunimut pilersaarummut tapiliussaq) naapertorlugit sanaartornermi inaalitsiviillu pillugit nunaminertat inissinneqarnerisigut, suliarineqarnerisigut iluseqarnerisigullu ineqartunut atuisunullu nipiliorfiunnginnissaat allatigullu assartuinermi suliffeqarfinnut assigisaannullu eqqaanniittunut mingutsitsiviunnginnissaat anguniarlugu qulakkeerinnittuussapput. Tamanna inatsit atuuttoq naapertorlugu pissaaq, ilaatigut sanaartornermi annertuumik akornusersuinaveersaarnissaq qulakkeerneqassalluni.
Inissianut quleriilinnut uiguleriinnullu tunngatillugu atortuusivimmik angisuumik assersuutigalugu cykelinut, aneerussivinnut kiisalu ukiup qanoq ilisarnerani atortakkanut allanut atortuusivimmik pilersitsinissamut tikeriaannarmik nunaminertaliisoqassaaq. Kommunimut pilersaarummut tapiliussani ataasiakkaani atortuusiviit angissusaat pillugit aalajangersakkat kommunimit aalajangersarneqarsinnaapput, kisianni atortuusiviit angissusaat eqqarsaatigalugit kommunimi malittarisassanut innersuussisoqassaaq:
Quit pilersinneqartussat minnerpaamik 3m2 (naqqata angissusaa)/ 6m3 (inissaqassusaata angissusaa) pilersinneqassasut innersuussutigineqarpoq. Matumanittaaq cykelimut quiliortoqassaaq tassanilu inissiamut ataatsimut ikinnerpaamik cykelimut ataatsimut inissaqassalluni.
Eqqumaffigineqassaaq inuussutissarsiuteqarnermi atukkap inissiamut atugassanngortinneqarnissaatut allannguineq atortuusivinnik pilersitsinermik soorlu siuliini taaneqartutut kinguneqassammat. Atortuusiviit tassaasinnaapput kiilerimi init, quit illumut atanngitsut imaluunniit pisariaqartitsineq naapertorlugu nunaminertat aamma toqqaviup naleqqussarneqarnera.
