Ittoqqortoormiit Kangersuttuarmi inissisimavoq (Scoresby Sund). Kangersuttuaq sisamanik kooqartoq annertussuseqarpoq 38,000 km2-itut taamaasillunilu silarsuarmi kangerluit annersaraat. Ittoqqortoormiit eqqaani nuna qaqqartuujuvoq sumiiffinnilu amerlasuuni qaqqat sivingaqisut kangerluup sinaaniik aallartipput. Staunings Alper portunersaalluni 2500 meterit missaani portussuseqarpoq (Destination East Greenland).
Kangersuttuaq Tunumi kangerlunnut allanut naleqqiulluni allaavoq, aallaavia ukioq kaajallallugu imaasarmat. Nunap immikkoortuani immikkut nuna uumassuseqarnerlu ipput, tamaani immap naasui amerlasuupilussuupput (Destination East Greenland).
Ittoqqortoormiit avannaaniippoq Kalaallit Nunaanni nuna eqqissisimatitaq, nuna eqqissisimatitaq nunarsuarmi annerpaajuvoq. Nuna eqqissisimatitaq uumasorpassuaqarpoq nunarsuarmilu ilisimatuunut annertuumik pingaaruteqarluni. SIRIUS-patruljenip Danmarkip sumiiffimmi oqartussaanera nakkutigaa Nunamilu eqqissisimatitami kisiartaallutik inuupput (Destination East Greenland).
Ittoqqortoormiit Kalaallit Nunaata sinnerani inoqarfinnut naleqqiulluni avinngarusimavoq.
