Tasiilaq-geografii

Immikkoortut sanaartorfigeqqusaanngitsut

Nuna inissisimavoq sammisanut pingaartumik sukisaarsarfinnut sammiveqartunut, aalajangersimanerusumut atorneqartussatut soorlu akuersissuteqarfittut takornariaqartitsinermi sammisanut soorlu qulimiguulimmiit sisorarneq ilanngullugu, skitouring, ujakkaarneq, aputisiutinik pisuuteqarluni pisuttuarneq, qimusserneq, qamuteralanneq, pisunneq, majuarneq qaqqasiornerlu, sikumut sermersuarmullu majuarneq, sikumi sermersuarmilu pisunneq il.il.

Immikkoortup teknikimut siunertanut atorneqarneranut atatillugu sanaartorfigineqarlunilu atortuliisoqarsinnaavoq immikkoortunut O-nut aalajangersakkat tamanut atuuttut innersuussutigalugit, link nalinginnaasoq. Akuersissummik pisinnaatitsissummik piginnittoq immikkoortup ilaani utaqqiisaasumik tammaarsimaarfiliorsinnaavoq.

Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortuni O-ni angallannermut pilersuinermullu aalajangersakkat naapertorlugit aqqusernit taliffissallu akuerisaapput, linki nalinginnaasoq. Sumiiffiup tikinneqarnissaanut helikopterit atorneqarnissaat qulakkeerneqassaaq. Angallassissutit motoorillit allat atorneqassappata, aqqutiliortoqaqqaarnissaa pisariaqarpoq, imaluunniit siusinaarluni akuersissummik pissarsiniaqqaartoqartariaqarpoq. Sumiiffiit aqqusaarlugit pisuinnarnut aqqutissanik nalunaaqutsersuisoqarsinnaavoq.

Immikkoortuni arlalinni qanganitsat eriagisassat arlaqarsinnaapput. Qanganitsat eriagisassat nunap assingatigut Nunatta Katersugaasivia Allagaateqarfialu aqqutigalugu assitalersugaapput. Qanganitsanut eriagisassanut allattorsimaffik killeqanngilaq, taamaattumik immikkoortup ilaani pineqartumi qanganitsanik eriagisassanik nalunaarsorsimanngitsunik peqarsinnaavoq. Qanganitsat eriagisassat illuliorfigineqassanngillat, inatsit atuuttoq innersuussutigalugu.

Attaveqaatinut radiokkullu aallakaatitsinermut atortulersuutit qulakkeerniarlugit, asimi radius 1 kilometerimi illuliunnginnermi atortulersuutinillu pilersitsinnginnermi, telep atortulersuutaanit, imaluunniit 150 meter aamma qatsissuseq -25 meterimik ungasitsigisumi, Tusassimiit (telemut oqartussaasunit) immikkut ittumik akuersissuteqarfigineqarnissamik qinnuteqaateqartoqassaaq. Aamma taamaappoq, pilersitsinerup kingunerisaanik telemut attaveqaatitigut sunniuteqarnissaa nalilikannerneqarpat. Immikkoortut ilaat arlaqartut eqqaanni timmiaqarfiit eqqarsaatigalugit immikkut piumasaqaatitaqartinneqarlutik killeqarfeqartinneqarput. Nunaminertamik atuinerit tamarmik taakkua eqqarsaatigalugit pissapput. Ilanngullugu sumiiffimmiit sumiiffimmut immakkut angalanermi nalinginnaasumillu nunani eqqaaniittuni angallannermi immikkut eqqumaffigisassaq. Immikkoortuni aatsitassarsiornissamut akuersissuteqarfigineqareersuni (matumani misissuinissamut, piiaanissamut imaluunniit kisermaassillutik annikinnerusumik aatsitassarsiornissamut pisinnaatitaaffeqarnermut) immikkoortoq akuersissuteqarfigineqareersimatillugu illuaraliornissamut nunaminertanik atugassiisoqarsinnaanngilaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq