Tasiilaq-geografii

Sammisassaqartitsivissatut pingaaruteqartut

Immikkoortup atorneqarnissaa sukisaarsarnermut siunertanut aalajangersarneqarpoq. Mittarfiusimasup oqaluttuassartaa pillugu allanut saqqummiunniarlugu nutaanik suliniuteqartoqarsinnaavoq, tamatuma ornigarneqarnerulernissaa anguniarlugu kiisalu tikeraat tamaani angallannissaat isumannaallisarneqarluni. Utaqqiisaasumi tamaani base camp-iliortoqarsinnaavoq tuperfiliortoqarsinnaalluni, taakku amerlassusaasa sumiiffiup inuilaarsuartut ilisarnaataa allanngortinneqanngippat. Avatangiisinut inaarutaasumik misissuinermit inernerit inassuteqaatillu tamaani siunissami saliinissami pilersaarusiornissamilu kiisalu atuinissami isiginiarneqassapput.

Sumiiffiup ilaa sukisaarsaartarfinnut atorneqartussanut sanaartorfissatut immikkoortinneqarluni atugassanngortinneqarpoq. Tassani shelters, oqquisarfiit kiisalu illu saqqummiisarfik/ taqualiorfik pilersinneqarsinnaapput.

Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortuni nunaminertanik atuinissamut piginnittut allallu angalaartut immikkoortuni L-ni angallannermut pilersuinermullu aalajangersakkanik malinnissapput, linki nalinginnaasoq. Sumiiffik tikinneqarsinnaassaaq Ikkattip kangerluanit umiatsiamit imaluunniit qulimiguulimmik suluusalimmilluunniit minnermit.

Immikkoortuni arlalinni qanganitsat eriagisassat arlaqarsinnaapput. Qanganitsat eriagisassat nunap assingatigut Nunatta Katersugaasivia Allagaateqarfialu aqqutigalugu assitalersugaapput. Qanganitsanut eriagisassanut allattorsimaffik killeqanngilaq, taamaattumik immikkoortup ilaani pineqartumi qanganitsanik eriagisassanik nalunaarsorsimanngitsunik peqarsinnaavoq. Qanganitsat eriagisassat illuliorfigineqassanngillat, inatsit atuuttoq innersuussutigalugu. Immikkoortup ilaata immikkut ilisarnaataa attatiinnarneqassaaq avatangiisinillu allamik mingutsitsisoqassanani. Amerikamiut sakkutooqarfikuanni Ikkatteq-BE2-mi atortut qimatat ilaat piujuartinneqassapput.

Attaveqaatinut radiokkullu aallakaatitsinermut atortulersuutit qulakkeerniarlugit, asimi radius 1 kilometerimi illuliunnginnermi atortulersuutinillu pilersitsinnginnermi, telep atortulersuutaanit, imaluunniit 150 meter aamma qatsissuseq -25 meterimik ungasitsigisumi, Tusassimiit (telemut oqartussaasunit) immikkut ittumik akuersissuteqarfigineqarnissamik qinnuteqaateqartoqassaaq. Aamma taamaappoq, pilersitsinerup kingunerisaanik telemut attaveqaatitigut sunniuteqarnissaa nalilikannerneqarpat. Immikkoortut ilaat arlaqartut eqqaanni timmiaqarfiit eqqarsaatigalugit immikkut piumasaqaatitaqartinneqarlutik killeqarfeqartinneqarput. Nunaminertamik atuinerit tamarmik taakkua eqqarsaatigalugit pissapput. Ilanngullugu sumiiffimmiit sumiiffimmut immakkut angalanermi nalinginnaasumillu nunani eqqaaniittuni angallannermi immikkut eqqumaffigisassaq. Immikkoortuni aatsitassarsiornissamut akuersissuteqarfigineqareersuni (matumani misissuinissamut, piiaanissamut imaluunniit kisermaassillutik annikinnerusumik aatsitassarsiornissamut pisinnaatitaaffeqarnermut) immikkoortoq akuersissuteqarfigineqareersimatillugu illuaraliornissamut nunaminertanik atugassiisoqarsinnaanngilaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq