Nuuk-geografii

Teknikkimut atortulersuutit

Teknikkimut atortulersuutit

N1-imi immikkoortut atortulersuutinut angisuunut immikkoortitaapput soorlu erngup nukinganik nukissiorfik, imeqarfiit, sioqqanik piiaavik, saanngutit issoq allallu.

Nunataq tamangajammi pinngortitaavoq, immikkoortullu ilaa tamanna immikkoortitaavoq, nunaannartullu qitiusumik pissusia allanngortinneqassanngilaq. Immikkoortumi suliffeqarfinnut atortulersuutiu attuumassutilinnik, ukioq kaajallallugu najugaqarfinnik, stationinik, tammaarsimaarfinnik assigisaanillu sanaartukkanik pilersitsisoqarsinnaavoq. Illuaqqanik sunngiffimmi atortakkanik aasarsiortarfinnillu sanasoqarsinnaavoq, sumiiffik nukissiorfiup suliffeqarfiinut atortulersuutaau atugassiaammat. Erngup nukinga atorlugu nukissiorfiup Tasertaata qulaani nunap timaani illuaqqanik ataasiakkaanik piniariartarfinnik oqquisarfinnillu pilersitsisoqarsinnaavoq, illuaqqat teknikkikkut atortulersuutit qanittuanni inissinneqanngippata. Taakkuli amerlassusaasa sumiiffiup qitiusumik atorneqarneranut sunniuteqassanngillat.

Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Erngup nukinganik nukissiorfik pissusissamisoortumik nammineq atugassaminik innaallagissamik pilersuiffeqassaaq. Angallatinut ikaartarfiliisoqarsinnaavoq imaluunniit talittarfimmik allamik pilersitsisoqarsinnaalluni helikopteriu mittarfissaliortoqarsinnaalluni, tamanna teknikkimut attaveqaatiu tunngasunut il. il. pisariaqartinneqarsinnaammat. Teknikkimut pilersuinermut tunngasut allat pilersinneqarsinnaapput, soorlu assersuutigalugu imermut, telemut kuuffissuaru nammineq pilersornissamut tunngasunik. Tamakkuninnga Kommuneqarfik Sermersooq kisimi innersuussisassaaq. Imeqarfiliorneq erngullu maangaannartup aqqutissaanik kiisalu nukissiuteqarnermik pilersuiffimmik annerusumik pilersitsiniaraanni Naalakkersuisunit aammalu Kommuneqarfik Sermersumut akuersissummik peqqaarluni pilersitsisoqarsinnaavoq.

Sumiiffimmi qanganitsanik eriagisassaqartoq Kommuneqarfik Sermersuumit maluginiaqquneqarnikuuvoq. Immikkoortumi nunamik suliaqartut Eqqissisimatitsisarneq aamma allatigut kulturikkut eriagisassanik kulturikkut kingornussanik illersuineq pillugu Inatsisartut Inatsisaat nr. 11, 19. maj 2010-meersoq malillugu sulimmata, sanaartornissaq pitinnagu immikkoortoq itsarnitsanik misissuiffigineqassasoq Nunatta Katersugaasiviata Allagaateqarfiatalu (NKA) piumasarivaa. Tamanna NKA-p sanatitsisullu akornanni isumaqatigiissutigineqassaaq. Sanaartornerup nalaani qanganitsanik soorlu inuit noorliillu illukuinik nassaartoqarpat, tamatumunnga tunngatillugu inatsit naapertorlugu, sanaartornermi attorneqassanngillat. Taamaattoqassappallu Nunatta Katersugaasivia ingerlaannaq attavigineqassaaq

Attaveqaatinut radiokkullu aallakaatitsinermut atortulersuutit qulakkeerniarlugit, asimi radius 1 kilometerimi illuliunnginnermi atortulersuutinillu pilersitsinnginnermi, telep atortulersuutaanit, imaluunniit 150 meter aamma qatsissuseq -25 meterimik ungasitsigisumi, Tusassimiit (telemut oqartussaasunit) immikkut ittumik akuersissuteqarfigineqarnissamik qinnuteqaateqartoqassaaq. Aamma taamaappoq, pilersitsinerup kingunerisaanik telemut attaveqaatitigut sunniuteqarnissaa nalilikannerneqarpat. Nuummi mittarfiup ingerlanneqarnissaanut atatillugu killeqarfiit piumasaqaateqarfiusut allanngortinneqassappata, asimi nunaminertamik atuinerit nutaat tamarmik killilersuutinik atuuttunik malinnissapput. Immikkoortut ilaat arlaqartut eqqaanni timmiaqarfiit eqqarsaatigalugit immikkut piumasaqaatitaqartinneqarlutik killeqarfeqartinneqarput. Nunaminertamik atuinerit tamarmik taakkua eqqarsaatigalugit pissapput. Ilanngullugu sumiiffimmiit sumiiffimmut immakkut angalanermi nalinginnaasumillu nunani eqqaaniittuni angallannermi immikkut eqqumaffigisassaq. Immikkoortuni aatsitassarsiornissamut akuersissuteqarfigineqareersuni (matumani misissuinissamut, piiaanissamut imaluunniit kisermaassillutik annikinnerusumik aatsitassarsiornissamut pisinnaatitaaffeqarnermut) immikkoortoq akuersissuteqarfigineqareersimatillugu illuaraliornissamut nunaminertanik atugassiisoqarsinnaanngilaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq