Nuuk-geografii

Sammisassaqartitsivissatut pingaaruteqartut

Takornariarfissaq. Immikkoortup ilaa immikkuualuttunut marlunnut agguataarneqarpoq: Immikkuualuttoq 1: Puttasut, takornarianut illuaqqat, illut sulliviit illu/neriniartarfik. Immikkuualuttoq 2: Anorisaat mittarfik.

Immikkoortoq takornarialerinermut atatillugu makkununnga atorneqassaaq: Sisorartitsineq, takornarianut illuaqqat, tammaar-simaartarfinnut, pisuinnaat aqqutaat, timersorner-mi sunngiffimmilu sammisassanut atatillugu sanaartornernut pingaarnertut atorneqartussat. Tamatuma saniatigut anorisaatit illullu naatsiiviit il. il. sanaartorneqarsinnaapput. Illut quleriit marluk sanaartorneqarsinnaapput. Sanaartorneq immikkoortunut agguassaaq.

Imm. nunaminertaq 64 ha. missaanniippoq. Immikkoortumi illuaqqat 50-it tungaannut, illut sulliviit, illu pingaarneq neriniartarfittalik kiisalu anorisaatilik sanaartorneqarsinnaapput. Sanaartornissamut siunnersuut akuersissutigisaq tunngavigalugu nunaminertamik piginnittoq ataaseq illunik tamanik sanaartussaaq. Piffissaliussaasut iluini tamakkiisumik nunaminertat sanaartorfiunngippata sanaartornissamut periarfissaarutissaaq Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Aqquserngit aqqusineeqqallu immikkoortoq O-kkut pisinnaavoq. Illuaqqanut il. il. eqqaaniittunut tamakku akornusersuisuussanngillat. Qulimiguulimmut mittarfimmik qisummik saviminiusumilluunniit sanaamik pilersitsisoqarsinnaavoq.

Immikkoortuni arlalinni qanganitsat eriagisassat arlaqarsinnaapput. Qanganitsat eriagisassat nunap assingatigut Nunatta Katersugaasivia Allagaateqarfialu aqqutigalugu assitalersugaapput. Qanganitsanut eriagisassanut allattorsimaffik killeqanngilaq, taamaattumik immikkoortup ilaani pineqartumi qanganitsanik eriagisassanik nalunaarsorsimanngitsunik peqarsinnaavoq. Qanganitsat eriagisassat illuliorfigineqassanngillat, inatsit atuuttoq innersuussutigalugu.

Attaveqaatinut radiokkullu aallakaatitsinermut atortulersuutit qulakkeerniarlugit, asimi radius 1 kilometerimi illuliunnginnermi atortulersuutinillu pilersitsinnginnermi, telep atortulersuutaanit, imaluunniit 150 meter aamma qatsissuseq -25 meterimik ungasitsigisumi, Tusassimiit (telemut oqartussaasunit) immikkut ittumik akuersissuteqarfigineqarnissamik qinnuteqaateqartoqassaaq. Aamma taamaappoq, pilersitsinerup kingunerisaanik telemut attaveqaatitigut sunniuteqarnissaa nalilikannerneqarpat. Nuummi mittarfiup ingerlanneqarnissaanut atatillugu killeqarfiit piumasaqaateqarfiusut allanngortinneqassappata, asimi nunaminertamik atuinerit nutaat tamarmik killilersuutinik atuuttunik malinnissapput. Immikkoortut ilaat arlaqartut eqqaanni timmiaqarfiit eqqarsaatigalugit immikkut piumasaqaatitaqartinneqarlutik killeqarfeqartinneqarput. Nunaminertamik atuinerit tamarmik taakkua eqqarsaatigalugit pissapput. Ilanngullugu sumiiffimmiit sumiiffimmut immakkut angalanermi nalinginnaasumillu nunani eqqaaniittuni angallannermi immikkut eqqumaffigisassaq. Immikkoortuni aatsitassarsiornissamut akuersissuteqarfigineqareersuni (matumani misissuinissamut, piiaanissamut imaluunniit kisermaassillutik annikinnerusumik aatsitassarsiornissamut pisinnaatitaaffeqarnermut) immikkoortoq akuersissuteqarfigineqareersimatillugu illuaraliornissamut nunaminertanik atugassiisoqarsinnaanngilaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq