Nuuk-geografii

Sammisassaqartitsivissatut pingaaruteqartut

Inoqarfik atorunnaarnikoq

lmmikkoortup ilaa immikkut sukisaarsarfittut siunertanut atugassiissutigineqarsinnaavoq aamma kommunimut pilersaarut atuuttoq naapertorlugu, immikkoortunut L-inut aalajangersakkat atuuttut naapertorlugit aaqqissuunneqarlutik.
lmmikkuualuttoq A sanaartorfigineqarnissaanut atortulersuuteqarnissaanullu periarfissaqartinnagu tamanit tupeqarfittut atorneqarsinnaavoq. Qatsissumi tupernuttaaq atuuppoq.
lmmikkuualuttoq B sanaartorfigineqarnissaanut atortulersuuteqarnissaanullu periarfissaqartinnagu tupeqarfittut festivaleqarfittullu atorneqarsinnaavoq. Qatsissumi tupernuttaaq atuuppoq.
lmmikkuualuttoq C inuit ataasiakkaat illuaraannut kiisalu akunnittarfinnut neriniartarfinnullu atorneqarsinnaavoq. Sanaartugassat nutaat toqqavinni pioreersuni ikuallannikullu inaanni taamaallaat pisinnaapput.
lmmikkuualuttup D-p iluani takornarianut illuaraqarnikkut unnuisarfeqartitsilluni takornarialernermik atuisoqarsinnaavoq.
lmmikkuualuttoq E sanaartornermik imaluunniit atortuusivimmik periarfissaqartitsinngitsumik sukisaarsarfittut sanaartorfioqqusaanngitsutut aalajangersarneqassaaq.

Kommunimut pilersaarut 2036-mi sumiiffinnut Linut aalajangersakkat nalinginnaasumik atuuttut innersuussutigalugit, sumiiffinnut L-inut sumiiffimmi atuinermut tapertaasunik sanaartugaqartoqarsinnaallunilu atortulersuutinik pilersitsisoqarsinnaavoq.

lmmikkuualuttoq A aamma E atuiffissaqanngillat.
lmmikkuualuttoq B-mi immikkuualuttup festivalertarfittut atuuffianut tapersersuutaasunik piffissami killilikkatut atugassaannarnut atortulersuutaasiviliortoqarsinnaavoq.
lmmikkuualuttoq C ilanngussaq 1 innersuussutigalugu ikuallannikup pioreersutut killeqarfiata iluinnaani Hotel Qooqqut sanaartoqqinnissaanut inissaqarpoq. Akunnittarfiup sanaartoqqinnginnerani immikkuualuttumut C-mut aalajangersakkanik sukumiisunik allassimasortalimmik sumiiffimmut pilersaarusiortoqassaaq ..
llanngussaq 1 innersuussutigaluguttaaq immikkuualuttoq D-mi takornarianut illuaraliortoqarsinnaavoq. Takornarianut illuaqqanut allanut nunaminertamik atuinissamut tunniussisoqannginnerani immikkuualuttoq D-mut aalajangersakkanik sukumiisunik allassimasortalimmik sumiiffimmut pilersaarusiortoqassaaq.
lmmikkoortup ilaata iluani inuit ataasiakkaat illuaraannik nutaanik sanaartorneq inerteqqutaavoq.
Teknikkikkut atortulersuutinut aalajangersakkat atuuttut naapertorlugit immikkoortup ilaani teknikkikkut atortulersuutinik pilersitsisoqarsinnaavoq.

lmmikkoortuni L-ini angallannermut pilersuinermullu aalajangersakkat atuuttut naapertorlugit teknikkimik pilersuinermut atortulersuutit, aqquserngit aamma talittarfittut sanaartukkat akuerisaapput.
Aqqusineeqqat tamarmik, ingerlaarfissatut aqqutiliat aamma talittarfittut sanaartukkat tamanit atorneqarsinnaasariaqarput.

lmmikkoortuni atugassanngortinneqartuni qanganitsat eriagisassat arlaqarsinnaapput. Qanganitsat eriagisassat nunap assingatigut Nunatta Katersugaasivia Allagaateqarfialu aqqutigalugu assitalersugaapput. Qanganitsanut eriagisassanut allattorsimaffik killeqanngilaq, taamaattumik immikkoortup ilaani pineqartumi qanganitsanik eriagisassanik nalunaarsorsimanngitsunik peqarsinnaavoq . lnatsit atuuttoq innersuussutigalugu, qanganitsat eriagisassat sanaartorfigeqqusaanatillu atortulersuutinik pilersitsivigeqqusaanngillat
lmmikkuualuttoq C-mi sanaartukkatut aaqqissuussaaqqaartut isumannaarneqassapput.
lmmikkoortup ilaani orpiit piiarneqaqqusaanngillat, killorneqaqqusaanngillat imaluunniit allatigut kommunalbestyrelsip akuerinngisaanik iliuuseqarfigeqqusaanngillat. Piiaanissamut akuersissut, ass. orpik toqusimappat imaluunniit toquliorpat avatangiisinullu navianartorsiortitsippat, tun ni un neqarsinnaavoq.
lmmikkoortumi misileraalluni orpinnik naatitsineq akuerisaavoq.

Attaveqaatinut radiokkullu aallakaatitsinermut atortulersuutit qulakkeerniarlugit, asimi radius 1 kilometerimi illuliunnginnermi atortulersuutinillu pilersitsinnginnermi, telep atortulersuutaanit, imaluunniit 150 meter aamma qatsissuseq -25 meterimik ungasitsigisumi, Tusassimiit (telemut oqartussaasunit) immikkut ittumik akuersissuteqarfigineqarnissamik qinnuteqaateqartoqassaaq. Aamma taamaappoq, pilersitsinerup kingunerisaanik telemut attaveqaatitigut sunniuteqarnissaa nalilikannerneqarpat. Nuummi mittarfiup ingerlanneqarnissaanut atatillugu killeqarfiit piumasaqaateqarfiusut allanngortinneqassappata, asimi nunaminertamik atuinerit nutaat tamarmik killilersuutinik atuuttunik malinnissapput. lmmikkoortut ilaat arlaqartut eqqaanni timmiaqarfiit eqqarsaatigalugit immikkut piumasaqaatitaqartinneqarlutik killeqarfeqartinneqarput. Nunaminertamik atuinerit tamarmik taakkua eqqarsaatigalugit pissapput. llanngullugu sumiiffimmiit sumiiffimmut immakkut angalanermi nalinginnaasumillu nunani eqqaaniittuni angallannermi immikkut eqqumaffigisassaq. lmmikkoortuni aatsitassarsiornissamut akuersissuteqarfigineqareersuni (matumani misissuinissamut, piiaanissamut imaluunniit kisermaassillutik annikinnerusumik aatsitassarsiornissamut pisinnaatitaaffeqarnermut) immikkoortoq akuersissuteqarfigineqareersimatillugu illuaraliornissamut nunaminertanik atugassiisoqarsinnaanngilaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

lmmikkuualuttut A aamma E sanaartorfigineqannginnissaat atortulersuuteqannginnissaalu siunertaavoq.