Nuuk-geografien

Illuaqqat, sunngiffimmi sammisassaqartitsiviit assigisaallu

Illuaqqat, illut aasarsiortarfiit

Immikkoortup atuuffissaa immikkoortunut K-nut aalajangersakkatut atuuttut innersuussutigalugit illuaraqarfinnut aasarsiortarfeqarfinu aalajangersarneqassaaq.

Immikkoortumut K-tut atorneqarneranut atasumik sanaartukkanik atortulersuutinillu sanaartorfigineqarsinnaavoq, immikkoortup K atorlugu aalajangersakkat atuuttut naapertorlugit akuerineqarsinnaavoq.

Aalajangersakkat tullinnguuttut aalajangiisuussapput Immikkoortuni K-mi illuaqqamik sanasoqarsinnaaneranik inissaqartitsisoqarnersoq. Sanaartugaq immikkoortup ilaata killingata iluaniippoq Immikkoortunullu K-nut nalinginnaasumik ungasissusissamut piumasaqaatinik malinnilluni, Kommunimut pilersaarut 2036 naapertorlugu. Piffissami tusarniaaviusup nalaani tusarniaanermut akissuteqartoqarsimanngilaq tassani nutaamik sanaartugaq immikkoortumik annertuumik akornutaasinnaasutut naliliisumik. Sanaartugaareersunut akornutaasinnaasut tassaasinnaapput, aqqusineeraareersut eqqaanni, talittarfinni, sumiiffinni kuut imertartarfiit eqqaanni nunaminertamik qinnuteqarneq, taakkununnga illuaraareersut isikkiviinik akornusiilluni inissiinerit imaluunniit sumiiffiup alianaassusianik ajorseriartitsisut. Akornutaasut taamaattut assitalerlugit imaluunniit nunap assitalerlugit tusarniaanermut akissutitut uppernarsarneqarsimassapput Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit.

Immikkoortuni nunaminertanik atuinissamut piginnittut allallu angalaartut immikkoortuni K-ni angallannermut pilersuinermullu aalajangersakkanik malinnissapput.

Immikkoortuni arlalinni qanganitsat eriagisassat arlaqarsinnaapput. Qanganitsat eriagisassat nunap assingatigut Nunatta Katersugaasivia Allagaateqarfialu aqqutigalugu assitalersugaapput. Qanganitsanut eriagisassanut allattorsimaffik killeqanngilaq, taamaattumik immikkoortup ilaani pineqartumi qanganitsanik eriagisassanik nalunaarsorsimanngitsunik peqarsinnaavoq. Qanganitsat eriagisassat illuliorfigineqassanngillat, inatsit atuuttoq innersuussutigalugu.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq