Nuuk

Qitiusumik ingerlatsiveqarfiit ataatsimoorussamillu pisoqarfiusartut

Immikkoortup atorneqarnissaa takornariaqarnerup iluani inuussutissarsiutitut atuuffinnut, soorlu akunnittarfinnut, neriniartarfinnut, café-nut assigisaannullu taamatullu taakkunani biilinut inissiisarfinnut kaajallaffissamut teknikkimillu atortulersuutinut aalajangersarneqarpoq.

Sanaartukkat tassaasinnaapput illut arlallit mikinerusut imminnut ataqatigiissinneqarsinnaasut, kisianni tamanut attuumassuteqartut ilaatinneqassapput aammalu nunaminertamik atuisussaq ataasiinnaassaaq. Sanaartornermi sivingasumi portussutsimut killiliussaq ilanngussaq 3-mi aalajangersarneqartoq eqquutsinneqassaaq. Sanaartornermi illut eqqaanniittunut alanngoqqasarneri pillugit kommunimut pilersaarummi atuuttumi aalajangersagaq 5x5-imik malittarisassaq eqquutsinneqassaaq. Sanaartukkat malittarisassamit Ilanngussaq 2-mi takuneqarsinnaasumit kalluarneqarput.

Sanaartorfissat annertussusaat 30 %-it tikillugit sanaartorfiussapput. Tullinnguuttuni sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit.

Sumiiffik Qallussuup Ataaniit kaajallattariakkut aqqusineqarpoq.

Immikkut aalajangersagaqanngilaq

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, narlorissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq, narlorissullu inissisimanerata ilaanut ilaalluni, tassani illut allallu immamit qatsissuseq 127,5 qaangerlugu sanaartoqqusaanatik aqquserngillu sanaartorneqarnerini immamit qatsissuseq 121,5 qaangeqqusaanagu. Sanaartukkat akorngini tamani ikuallattoqartillugu qamisaajartortunut inissaqartitsinissaq qulakkeerneqassaaq, tassunga tunngasuni sanaartornermi malittarisassat atuuttut naapertorlugit. Immikkuualuttup ilaa Qallussuarmut qanippoq taassumalu imeqarfimmut killeqarfianut. Nunaminertamik atuisussaatitaasup imeqarfiup killeqarfianik akunnittarfiullu sanaartorfiusussap eqqaa pillugu allagartarsualersorneqarnissaa paasissutissiissutinillu ikkussuiffiginissaa qulakkiissavaa.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkoortup sukisaarsarfittut naleqassusaa qulakkeerniarlugu immikkoortup ilaata iluani pisuttuartartunut aqqutit sanaartorfigineqassanngillat imaluunniit allanngortinneqassanngillat.