Nuuk

Inuussutissarsiornermut atorneqartut umiarsualiveqarfiillu

Immikkoortoq inuussutissarsiorfik

Immikkoortoq avatangiisinut immikkoortiterinermi 2-p 7-illu akornanniitillugu inuussutissarsiuteqarnermik siunertamut atugassinneqarpoq. Matumani ilaapput suliffissuit, inissiivik, quersuit, sanasunut suliffeqarfik, sannavik, assartuineq inuussutissarsiuteqarnermilu assingusut.
Sukisaarsarnermi suliassanut sungiusarneq pillugu peqatigiiffiit garageanik assigisaannillu pilersitsivigineqarsinnaapput.
Imm. 1 eqqarsaatigalugu inuussutissarsiornermut pingaarnermut atasumik allaffissorneq allaffimmillu sanaartorneq akuerisaapput
Illersornissaqarfimmut inissiffissatut periarfissaagallartussaliortoqarsinnaavoq. Inissiffissaagallartoq najugaqarfinnik, ataatsimut atortorissaarutinik, matumani igaffiit uffarfiillu, kiisalu inissiiviit allaffeqarfiillu ilanngullugit pigineqarsinnaapput. Tamatuma saniatigut quersuit teknikikkullu atortuusiviit qamittoornermi innaallagissiorfiit, attaveqaqatigiinnermi atortuusiviit il. il. pilersinneqarsinnaapput.
Atortorissaarusiviit akornanni isertarnermut misissuivittalimmik ungalunik pilersitsisoqarsinnaavoq.
Immikkoortumi kapitali 5 tunngavigalugu suliffeqarfinnik pilersitsisoqarsinnaavoq, taanna pineqaatissinneqarsimasunut inissiisarfimmut imaluunniit immikkoortup ineriartortinneqarneranut sunniuteqanngippat.
Immikkoortumi nakkutilliisunut inissialiortoqarsinnaanngilaq.

Quleriit pingasut tungaannut portutigisunik sanaartortoqarsinnaavoq

Sanaartorfissatut atugassiissutit 1-8 atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq.
Immikkoortumi sanaartorfissat avataanni pingaaruteqanngitsunik akerliliissutitalimmik tusarniaareernermi teknikkikkut atortulersuutilersuisoqarsinnaavoq. Inissiinissaq Nukissiorfiit Kommuneqarfik Sermersuullu akornanni isumasioqatigiinnikkut pissaaq.

Immikkoortoq Kuanninnguaniit aamma Niaqornannguamiit aqqusineqassaaq
Utaqqiisaasumik atajuartussamillu sanaartukkat innaallagissamut, imermut, kuuffissuarnut kiisalu kiassarnermut attavilerneqassapput.
Innaallagissamik, imermik kissamillu pilersuinermut aqqutit aamma kuuffissuit nunap iluatigoortinneqassapput.
Inissiffissaagallartumut innaallagissamik, imermik, kuuffissuarnik kiassarnermillu pilersuineq sanaartukkat peerneqarnerisa kingorna peerneqarsinnaasunik nunap qaavatigoortinneqarsinnaapput.
Nunap qaavani imeq, tamatumunnga ilanngullugu imeq illup qaavanit kuuttoq kuuffissuartigoortinneqassanngilaq, kussinernulli kuutsinneqassalluni, taamaasilluni immikkoortumi sanaartukkanut allanut, pisuinnaat aqqutaannut, aqqusinernut sanaartorfiunngitsunullu akornusersuutaassanani.
Immikkoortoq Kommuneqarfik Sermersuumi eqqagassalerinermut aaqqiinermut malittarisassanut sukkulluunniit atuuttunut ilaatinneqarpoq.

Sumiiffimmi qanganitsanik eriagisassaqarnersoq Kommuneqarfik Sermersuumit ilisimaneqanngilaq. Sumiiffimmi nunami suliaqarneq ingerlanneqassaaq Eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut Inatsisaat nr. 11, 19. maaji 2010meersoq naapertorlugu.

Mittarfiup eqqaani nunaminertat immikkut piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Immikkoortoq mittarfimmi milernermi qangattalernermilu aporfeqanngitsumut ilaalluni inissisimavoq. Inissianut, sanaartukkanut aqqusinniornissamullu portussutsit portunerpaaffigisassaat assigiinngiiaarput, mittarfimmiillu ungasissuseq aamma qeqqani titarnermut teqeqqorissumik ungasissuseqarnera aallaaviussaaq.
Ikuallattoqartillugu annaassiniarnermilu aqqutit sanaartornermut malittarisassat atuuttut naapertorlugit atugassanngortinneqassapput.

Immikkut aalajangersagaqanngilaq

Nunaminertanut Oqartussaaffeqarfimmik isumaqatigiissuteqarnikkut inissiffissaagallartoq immikkoortunut agguataarlugu sanaartorneqarsinnaavoq

Immikkut aalajangersagaqanngilaq

Sisoraatinut illernit immikkoortumi aporfilersorneqannginnissaat qulakkeerneqassaaq, ilanngussaq 2 innersuussutigalugu
Aqquserniat sanaartukkanut inissiivissanulluunniit atorneqassanngillat