Nuuk

Najugaqarfiit

Inissiatut siunertallit assigiinngitsut killilimmik inuussutissarsiorfittallit.

Immikkoortoq inissiaqarfittut siunertanut atorneqassasoq aalajangerneqassaaq inissiatut sanaartukkat ammasut pukkitsut tassaasut ilaqutariit ataatsit illui aamma illut affarleriit, inissiatut sanaartukkat pukkitsut eqimasut uiguleriiaat assigisaallu, kiisalu inissiat quleriiaat. Immikkuualuttortalikkatut sumiiffik 1: Immikkoortoq inissianut siunertalimmik sananeqassaaq: Inissiat quleriinik initallit sananeqassapput aamma illu uiguleriiaat sananeqassallutik. Immikkuualuttortalikkatut sumiiffik 2: Immikkoortoq taana illuliorfissatut siunertalimmik sananeqassaaq. Ilaqutariit ataatsit illuat Immikkuualuttortalikkatut sumiiffik 3: Immikkoortoq inissianut siunertalimmik sananeqassaaq. Illu uiguleriiaat Immikkuualuttortalikkatut sumiiffik 4: Immikkoortoq inissianut siunertalimmik sananeqassaaq. Inissiat quleriinik initallit. Immikkuualuttortalikkatut sumiiffik 5: Immikkoortoq suliffeqarfinnit atorneqarsinnaasaaq, soorlu meeqqerivinnut assigisaauuniit atorneqarsinnaasalluni. Immikkuualuttortalikkatut sumiiffik 6: Immikkuualuttoq taana Sineriak sinerlugu aqqusineeqqamut, inuunermilu peqqinnerulersitsisussamut sumiiffik atorneqassalluni. Inuussutissarsiuteqarfiit killilimmik naleqqussarneqarsinnaaneranut periarfissat killeqarput, Y-Inissiaqarfimmut aalajangersakkat atuuttut innersuussutigalugit, linki nalinginnaasoq.

Sanaartorfik isigineqassaaq ataatsimut, immikkoortunilu sanaartorfissat ilanngussami 3-imi takuneqarsinnaapput. Inissiat annertunerpaatut portussutsimut naleqqerfeqarsinnaapput, ilanngussamilu 3-imi takuneqarsinnaallutik. Immikkuualuttunut immikkut taasassat Immikkuualuttoq 1-mi, immikkoortut 1miit-3-mut, (tamarmik ilanngunneqarnikut) quleriinik initaliussapput. Quleriinik initallit sisaminik quleriinik initaqarsinnaapput, tassani init alliit atorluarneqarsinnaallutik. Immikkoortumi sanaartorfik ataaseq, amerlanerpaamik arfineq pingasunik ilaqutariinnut inissiaqarfiusinnaavoq. Immikkuualuttut 4 aamma 5 sanaartorfigineqassapput illu uiguleriiaanik, immikkoortuni sanaartorfissani inissiat sisamat sananeqarsinnaallutik, inissiallu marlunnik qulereeqarsinnaallutik. Immikkuualuttoq 2-mi ilaqutariinnut illut sananeqassapput, tassani immikkoortut sanaartorfigineqarsinnaasut qulingiluapput, marlunnillu qulereeqarsinnaallutik imaluunniit inissiat portoqatigiinngitsunik tassa quleriivi assigiinngitsunik sananeqarsinnaallutik. Immikkuualuttoq 3, illu uiguleriiaanik sanaartorfigineqassaaq. Immikkoortumi sanaartofissat tallimaapput, katillugillu init 24-it sananeqarsinnaallutik, inissiallu quleriiaanik 2,5iaajusinnaallutik. Immikkuualuttoq 4 sanaartorfigineqartussaq quleriinik initalinnik sanaartorfigineqassallutik. Sanaartorfissat 20-imiit 24-imut (tamarmik ilanngullugit) quleriinik initalinnik sananeqassapput, quleriillu sisamaasallutik, init alliillu atorluarneqassallutik. Sanaartorfissat 25 aamma 26 init quleriinik initalinnik sananeqassapput, quleriillu taakku pingasuusallutik, taamatullu aamma init alliit atorluarneqassallutik. Sanaartorfissat 27-imiit 31-imut (tamarmik ilaasut) sanaartorfigineqassapput quleriinik initalinnik, quleriillu pingasuusallutik, init alliillu atorluarneqassallutik. Inissiaq ataaseq qulinik initaqassaaq. Immikkuualuttoq 5-mi immikkoortumi sanaartorfissaq (32-iuvoq), tassani siunertaalluni suliffeqarfiit soorlu meeqqeriviit tassaniisinnaallutik. Sanaartorfik taana quleriinik marlunnik sanaartorfigineqarsinnaassaaq. Immikkuualuttoq 6, tassaavoq illut avataani tassa illut avatangiisiini suliarineqartussat. Tassani sananeqarsinnaapput timersornermi atorneqartartut pequusivii, soorlu qaannanut ilisiviit, sumiiffiit oqquuffigineqarsinnaasullu. Sumiiffinni illut sanaartorfigineqartussat silataanni, pequusivinnik soorlu sikkilinut ilioraaviit sananeqarsinnaapput taakkullu pequusiviit 40 m2-imit anginerussanngillat.

Sanaartorfissatut atugassiissutit atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortoq Aqqusineq Dronning Margrethe ll-niit aqquteqarpoq.

Immikkut eqqarsaatigisassaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput. Paassaasiviup nalaani isumannaallisaanermi killeqarfeqarfimmut sumiiffik ilaavoq Sumiiffiup ilaa tamanna illuliorfigineqassanngilaq allatulluunniit killeqarfimmut aalajangersakkanut naapertuutinngitsumik atorneqassanngilaq. Paassaasivimmut isumannaallisaanermut killigititaasoq sumiiffimmi angallannermi ataqqineqassaaq, taassumali ilaa ungaluneqarsimanngitsoq tamanut ammaannassaaq.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq