Nuuk

Teknikkimut atortulersuutit attaveqaatillu

Atortulersuutit

Immikkoortup ilaa immikkuualuttunut arfineq-pingasunut avinneqarpoq, soorlu ilanngussaq 1-imi takutinneqartoq. Immikkoortoq mittarfimmut kiisalu kiffartuussinermi inuussutissarsiuteqarnermilu atortunik suliaqarfinnut atugassanngortinneqarpoq. Immikkoortumi suliffeqarfimmik mingutsitsinerusumik ingerlatsisoqarsinnaavoq, mittarfiup ingerlanneqarneranut attuumassuteqarsinnaasumik. Immikkuualuttuni C-mi aamma D-mi qaqqanik qaartiterinissaq inerteqqutaanngilaq. Immikkoortup ilaa immikkuualuttunut A-F-mut aggulunneqassaaq: IMMIKKUUALUTTOQ A: taamaallaat timmisartut aallartarfiannut mittarfiannut / nassatanut ingerlaarfinnut / sivisuumik uninngasarfissanut / timmisartut isumannaallisagaanerinut sanaartukkanut / attaveqarnernut soorlu aqqusinernut pilersuinermilu ledninginut tunngatinneqassaaq. Immikkoortumi mittarfiit atorneqarnissaannik piginnittut aamma Kommuneqarfik Sermersuumi upalungaarsimasut ikuallattoqartillugu sungiusartarfimmik atugassaannik pilersitsisoqarsinnaavoq ilanngussaq 2C-mi sanaartorfissatut takuneqarsinnaasuni. Nunaminertat atorneqanngitsut pissusissaasut ilineqassapput. Immikkuualuttoq B: mittarfimmut siunertamut / nassatanut ingerlaarfinnut / taxat inissiffissaannut / sivisuumik uninngasarfissanut / akunnittarfimmut / timmisartunut iniliamut / sannavimmut / qatserinermi sungiusarfimmut / orsertarfimmut / biilinut uninngasarfimmut mittarfimmit taamaallaat atorneqassaaq. Siunissami orsussamut tankit maleruagassat isumannaallisaanermullu tunngasut malinneqartillugit orsertarnermut atatillugu inissinneqarsinnaapput. B-2580, B-1842 aamma B-1944- mut isertarfiit atuuffiillu attuumassuteqartut qulakkeerneqassapput. Isertarfii atuuffiilu qulakkeerneqassapput. B-1840 isaterneqarsinnaavoq. IMMIKKUUALUTTOQ C: piffissakkuutaartunik sanaartugassanut atugassanngortinneqarpoq siunissami siunertaq c-mut ineriartortinneqarsinnaasoq. Qaartiterneqarsimasut killingi naleqqutinngitsumik qimaannarneqassanngillat aamma aqquserngup killinga niffarlunnik katersuiviusinnaanngorlugu suliaassaaq. Qaartiterinissaq Kommuneqarfik Sermersuumit aamma mittarfeqarfiit atorneqarnissaannik piginnittunit akuersissutigineqassaaq. Siunissami sanaartugassat allatigullu atortuusivissat silaannaap aalaruluttarneranut il. il. isumannaarsorniarlugit mittarfiit atorneqarnissaannik piginnittunit akuersissutigineqartassapput. Nutaamik sanaartortoqalinnginnerani immikkoortumut sukumiisumik aalajangersaasoqassaaq, taamaalilluni immikkoortup ilaanut 3C9-mi ilaasussamik. IMMIKKUUALUTTOQ D : ujaqqerivittut atorneqassaaq. Qaartiterinissaq Kommuneqarfik Sermersuumit aamma mittarfeqarfiit atorneqarnissaannik piginnittunit akuersissutigineqassaaq. Siunissami sanaartugassat allatigullu atortuusivissat silaannaap aalaruluttarneranut il. il. isumannaarsorniarlugit mittarfiit atorneqarnissaannik piginnittunit akuersissutigineqartassapput. Nunaminertat atorneqanngitsut taamaaginnartinneqassapput, tamallu isumannaatsuunissaasa qulakkeernissaa piumasaqaataappat aatsaat ungalulersorneqassallutik. Immikkoortuni sanaartortoqannginnerani immikkoortumut sukumiisumik aalajangersakkanik suliarinnittoqassaaq. IMMIKKUUALUTTOQ E1 AAMMA E2: attaveqarnermut ilaatigut imeqarfimmik nutaamik tassungalu attuumassuteqartunik atortunik atugassanngortinneqassaaq. Immikkoortuni taakkunani suliffeqarfiit akuerisaallutik mingutsitsisut soorlu immikkoortumi imeqarfittut ajutoortoqarneranilu nukissiorfittut atuiffiusut. Nunaminertat atorneqanngitsut pissutsimisut iinnassapput. IMMIKKUUALUTTOQ F1: toqqorsivimmut atungassanngortinneqassaaq. Nunaminertamik atuinissamut tunniussinermi mittarfimmik atuisussaatitaasoq suleqatigalugu piumasaqaatit nassuiarneqassapput. Nunaminertat atorneqanngitsut pissusissamisut inissisimatinneqassapput. Mianerisassat tulliuttut immikkuualuttumik atuiniarnermi malinneqassapput: - Qatsinnerpaaffissaa Siaqqinnermi aqqusinermit qatsinnerussanngilaq. - Timmisartuussinermi isumannaallisaaneq eqqarsaatigalugu eqqakkanik timmissanik qammaasinnaasunik imaluunniit mittarfiup nunaminertaanut tingitaasinnaasunik ersittoqassanngilaq. - Ujakkaarluni sisorartartut aqqutissiuukkumallugit avannaani qatsissusaa kangiani kitaanilu nunataanit uani qatsinnerussanngilaq. IMMIKKUUALUTTOQ F2: toqqorsivimmut atugassanngortinneqassaaq. Nunaminertamik atuinissamut tunniussinermi mittarfimmik atuisussaatitaasoq suleqatigalugu piumasaqaatit nassuiarneqassapput. Nunaminertat atorneqanngitsut pissusissamisut inissisimatinneqassapput. Mianerisassat tulliuttut immikkuualuttumik atuiniarnermi malinneqassapput: - Nunaminertaq toqqorsivimmut atugassanngortinneqassaaq. - Timmisartuussinermi isumannaallisaaneq eqqarsaatigalugu eqqakkat timmissanik qammaasinnaasut imaluunniit mittarfiup nunaminertaanut tinginneqarsinnaasut toqqoqqusaanngillat. - Nunap qatsissusaa nunaminertat eqqaaniittunut qatseqatigalugit immerneqassapput.

Immikkuualuttumi B-mi sanaartorfissat arfinillit, immikkuualuttumi E1-imi sanaartorfissaq ataaseq kiisalu immikkuualuttumi E2-mi sanaartorfissaq ataaseq immikkoortinneqarput. Silaannakkut angallassinermi aporfeqanngitsumik mittarfeqarfiup piumasaqaataa sanaartukkani atortorissaaruteqarfinnilu ataqqineqassaaq. Nutaamik sanaartukkat atortullu nutaat tamakkununnga akornutaassanngillat. Immikkoortumi sanaartornerit atortorissaaruteqarfiillu mittarfimmik atuisussaatitaasunit akuerineqaqqaassapput. Sanaartorneq atortussaateqarnerlu immikkoortup takuneqarsinnaasutut ilusaa ataqqillugu suliarineqassapput.

Immikkoortoq 193,7 ha missaani angissuseqarpoq mittarfiullu 2200 meterinik takitigisumut tallineqarnissaa periarfissaalluni kiisalu mittarfiup mittarfissuarmut nutarsarnissaanut immikkoortumilu inuussutissarsiutinik ingerlataqarnissamut nunaminertanik peqalernissamut pisariaqartunik pilersitsinissaq periarfissaalluni. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Mittarfiup avannaatungaani aqqusineq pingaarneq pilersinneqassaaq. Aqqusineq pingaarnermik kommunip aqqusinermut pilersaarusiornermut ilitsersuutaa malillugu atugassanngortinneqassaaq. Illerngit 2001 atuarlugu aqqusineeraq Borgmester Anniitap Aqqusernanut naammassineqassaaq. Aqqusineeraq aqqusineeqqatut pioreersutut sananeqassaaq, takussutissiaq 5-imi, qupp. 8-mitut takutinneqartutut aamma kommunip aqqusinermut pilersaarusiornera malillugu. Qinngutsinnut aqquserngup allanngortinneqarnissaanut atatillugu imermik pilersuinermi aqqutilersuusiortoqarsinnaavoq, taamaalilluni imeqarfik nutaaq Qinngutsinnut pilersuisinnaanngorlugu Eqalugalissuup tasianut atatillugu immikkuualuttoq E1-imi imeqarfik inissinneqarsinnaavoq. Imeqarfiup inaarutaasumik inissinneqarnissaa Kommuneqarfik Sermersuup Nukissiorfiullu akornanni isumaqatigiinnikkut pissaaq. Immikkuualuttumi E2-mi ajutoortoqarnerani nukissiorfik inissinneqarsinnaavoq maanna sakkortusaavimmut pioreersumut ataneqartillugu. Ajutoortoqarnerani nukissiorfiup inaarutaasumik inissinneqarnissaa Kommuneqarfik Sermersuup Nukissiorfiullu akornanni isumaqatigiinnikkut pissaaq.

Sukisaarsarluni aqquserngit ujakkaarlunilu sisorartut aqqutaat/ qamuteralaallu aqqutaat mittarfiup avannaaniittut isumannaarneqassapput.

Innaallagissap sakkortuut aqqutai pillugit isumannaallisaanermi killeqarfinnut aalajangersakkat ataqqineqassapput, isumannaallisaanikkut killiliussat 5m-it iluani assaasoqannginneratigut qaartiterisoqannginneratigullu. Qaartiterinerit assaanerillu Nukissiorfimmit akuersissutigineqassapput. Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput. Mittarfiup eqqaani isumannaallisaanermut killeqarfinnut atatillugu maleruagassat ataqqineqassapput. Mittarfeqarnermut atatillugu nipiliortarnermut killeqarfinnut maleruagassat sanaartornermi atortussaateqarnermilu ataqqineqassapput. Mittarfiup eqqaani nunaminertat nipiliornermut killeqarfinnut attuumassuteqartut (mittarfimmit 700 meterimik ungasitsigisut) nipiliorfiusussaanngitsunut siunertanut atorneqassanngillat, matumani ineqarfeqarfinnut siunertanut. Silaannakkut angallassinermi aporfeqanngitsumik mittarfeqarfiup piumasaqaataa sanaartukkani atortorissaaruteqarfinnilu ataqqineqassaaq. Nutaamik sanaartukkat atortullu nutaat tamakkununnga akornutaassanngillat. Qatserisartut sungiusartarnerat qaartiterinerillu mittarfimmi suliat eqqarsaatigalugit pisassapput: Isumannaallisaaneq pillugu mikkiartornermi qullerniit 70 meterit tikillugit sanaartukkanik imaluunniit teknikkikkut atortulersuutinik sanaartortoqaqqusaanngilaq.

B-1840 nutarsarneqarsinnaavoq isaterneqarluniluunniit

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq