Nuuk

Qitiusumik ingerlatsiveqarfiit ataatsimoorussamillu pisoqarfiusartut

Immikkoortoq atugassiissutigineqarpoq inuussutissarsiuteqarfinnut mittarfeqarfimmut attuumassuteqartunut qitiusoqarfittut siunertanut atorsinnaasoq, tamakkununnga ilanngullugit: allaffiit, lagerit aammalu quersuit, angallassissutit attaveqaasersuutillu, ilioraaffiit, amerlasuunik pisiniarfiit, biilinik cykkilinillu atukkiussisarfiit, taxanut bussinillu inaaliisarfiit, nerisassanik pajuttuisarfiit, akunnittarfiit, neriniartarfiit, café, ataatsimeersuartarfiit teknikkikkullu atortut. Sanaartorfissat uku immikkut atorneqartussanngorlugit ukununnga atugassanngortinneqarput: SANAARTORF ISSAQ A Mittarfimmi akunnittarfimmut atugassanngortinneqassaaq. SANAARTORF ISSAQ B Mittarfimmik atuisussaatinneqartunut biilinik inissiisarfittut atugassanngortinneqassaaq. SANAARTORF ISSAQ C Mittarfimmik atuisussaatinneqartunut allaffimmut illuliornermut atugassanngortinneqassaaq. SANAARTORF ISSAQ F1 Kalaallit nunaata silaannartaanik nakkutilliinissamut allaffissornermullu atugassiissutigineqassaaq Timmissanik qaninngoortitsisinnaasunik, qullernik pujunilluunniit akornusersuutaasunik suliffeqarfinnik pilersitsisoqarsinnaanngilaq. Nunaminertamik atuinissamut tunniussisoqannginnerani mittarfimmik atuisussaatitaasunit atuinissamut tunngatillugu oqaaseqaatinik piniaqqaartoqassaaq timmisartuussinerup isumannaatsuunissaa ingerlanneqarnissaalu qulakkeerniarlugit. Nunaminertat atorneqanngitsut pissusissamisut inissisimatinneqassapput.

Immikkoortup ilaani 13-inik sanaartorfissaliisoqassaaq. Silaannakkut angallassinermi aporfeqanngitsumik mittarfeqarfiup piumasaqaataa sanaartukkani atortorissaaruteqarfinnilu ataqqineqassaaq. Nutaamik sanaartukkat atortullu nutaat tamakkununnga akornutaassanngillat. Silaannakkut angallassinermi aporfeqanngitsumik mittarfeqarfiup atorneqarnissaanut akuersissummik pigisalimmit aalajangerneqartassaaq. Sanaartorfissani portussutsit portunerpaaffigisassaannut ilitsersuut Ilanngussaq 2C-mi takuneqarsinnaapput. Immikkoortumi tassani sanaartukkat atortorissaarutillu suulluunniit mittarfimmik atuisussaatitaasunit akuerineqaqqaartassapput.

Sanaartorfissatut atugassiissutit atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortoq Illerngit 2001-imit aqqusineqartinneqassaaq, sanaartorfimmit K-mit aamma L-imit Ilanngussaq 2 naapertorlugu taamaammat Borgmester Anniitap Aqqusernanit aqqusinermit pisinnaanani. Najukkami aqquserniortoqassappat isaariaqarlunilu sangoriamit isumannaatsumik ungasissuseqassapput Kommuneqarfik Sermersuumillu akuerineqassallutik Sukisaarsarluni aqquserngit qamuteralaallu aqqutaat isumannaarneqassapput.

Immikkoortumi sukisaarsaartarfinnut aqqutit kiisalu sisorartarfimmut aqqut attatiinnarneqassapput. Sumiiffimmi sukisaarsarfiusinnaasut atorneqarsinnaaginnarniassammata Eqalugalissuit tasiata killinganiit 10 meteri sanaartorfioqqusaassanngilaq.

Mittarfiup eqqaani isumannaallisaanermut killeqarfinnut atatillugu maleruagassat ataqqineqassapput. Mittarfeqarnermut atatillugu nipiliortarnermut killeqarfinnut maleruagassat sanaartornermi atortussaateqarnermilu ataqqineqassapput. Mittarfiup eqqaani nunaminertat nipiliornermut killeqarfinnut attuumassuteqartut (mittarfimmit 700 meterimik ungasitsigisut) nipiliorfiusussaanngitsunut siunertanut atorneqassanngillat, matumani ineqarfeqarfinnut siunertanut. Silaannakkut angallassinermi aporfeqanngitsumik mittarfeqarfiup piumasaqaataa sanaartukkani atortorissaaruteqarfinnilu ataqqineqassaaq. Nutaamik sanaartukkat atortullu nutaat tamakkununnga akornutaassanngillat.

Immikkut aalajangersagaqanngilaq

Immikkoortup ilaani 3E5 Nuuk Airportimi piffissalersugaasoq C qaartiterisoqareernerata kingorna immikkoortup ilaanut uunga ilanngunneqassaaq. Tassani mittarfimmi inuussutissarsiuteqarfinnut sanaartorfissaliisoqassaaq.

Immikkut aalajangersagaqanngilaq

Immikkut aalajangersagaqanngilaq