Nuuk

Inuussutissarsiornermut atorneqartut umiarsualiveqarfiillu

Sanaartugaq nutaaq ineqarfittut atorneqassanngilaq isaaffimmilluunniit paarisup ineqarfianik imaqassanani. Sumiiffiup immikkoortua A talittarfilimmik talittarfimmullu nunniugalimmik, passussivilik allaffeqarfimillu, umiarsualiveqarnermut inuussutissarsiornermillu siunertatut aalajangerneqarpoq, talittarfimmut qanittumiinnissaat piumasaqaataalluni, tassunga ilanngullugit uninngatitsivinnik assartuinermillu ingerlatsinermi, quersuaqarneq, sulliveqarneq aalisarnermilu suliareqqiisarfiit allat. Sumiiffiup immikkoortua B allaffeqarnermi entreprenøritut ingerlasinermi, quersuaqarnermi, amerlasuunik nioqquteqarnermi, uninngatitsinermi assartuinermilu inuussutissarsiornermi siunertatut aalajangerneqarpoq. Sumiiffiup immikkoortua sumiiffiup immikkoortuani atuisunut kiassaateqarfinnut teknikkikkullu illunut nunaminertanik atugassiissutinik imaqarsinnaavoq. Sumiiffiup immikkoortua C allaffeqarnermi, entreprenøritut ingerlatsinermi, quersuaqarnermi umiarsualivimmullu tunngasunik pisiniarfeqarnermi inuussutissarsiornermi siunertatut aalajangerneqarpoq, tassunga ilanngullugit angallatinik ikummatissanillu tuniniaaneq, tunisassiorneq, uninngatitsineq assartuinerlu. Sumiiffiup immikkoortua D annikitsunik inuussutissarsiornermi, entreprenøritut ingerlatsinermi, quersuaqarnermi ninngatitsinermilu inuussutissarsiornermi siunertanut aalajangerneqarpoq. Sumiiffiup immikkoortua E quersuaqarnermi allatullu uninngatitsinermik ingerlatsinermi inuussutissarsiornermi siunertatut aalajangerneqarpoq, talittarfimmut qanittumi inissisimanissaat piumasaqaataalluni.

Sanaartukkat portussusaat nunaminertamit naammassisamit/nunniukkamit sanaartukkap qaliata qaavanut uuttorneqassapput. Qaliai quleriit qullersaat 1 meteri tikillugu portussusilerlugu sananeqassaaq. Sanaartukkani atortut ataasiakkaat soorlu pujoorfiit kranillu portussutsisut taaneqartut immikkut akuersissuteqarnikkut qaangersinnaavaat. Sermersooq Kommunimit immikkut akuersissuteqartoqartassaaq timmisartulli mikkiartortarfiat pillugu malittarisassat eqqortinneqassallutik Sumiiffiup immikkoortualuani A-mi sanaartukkap portussusia 32,5 meterit qaangissanngilai nunaminertarlu sanaartorfiusoq sanaartorfiup nunaminertaata 50 %-ia tikissinnaallugu. Sumiiffiup immikkuualuttuani B-mi sanaartukkap portussusia 26 meterit qaangissanngilai, saniatigullu illut soorlu illuusat quiillu 50 m² tikillugit angissusillip pukkinnerusunngorlugit sananeqarsinnaallutik. Sumiiffiup Immikkuualuttuani B-mi sanaartorfiup sumiiffimmi aqqusiorfiusussat ikaassanngikkaat piumasaqaatigalugu ataatsimoortinneqarsinnaapput. Sumiiffiup immikkuualuttuani B-mi sanaartorfiit procentinngornerat 75-inut aalajangerneqarpoq, tassani sanaartukkap sunniuteqarnera sanaartorfimmi nunaminertap minnerpaamik 1/3-erissallugu annerpaamillu 2/3-erissallugu. Sumiiffiup immikkuualuttuani C-mi sanaartukkap portussusiata 15 meterit qaangissanngilai. Sumiiffiup immikkuualuttuani D-mi sanaartukkat ataatsimik qulereeqartillugit 8 meterit tikillugit sananeqarsinnaapput. Sumiiffiup immikkuualuttuani E-mi sanaartukkap portussusiata 15 meterit qaangissanngilai.

Sumiiffiup immikkuualuttui A aamma B aalajangersakkani immikkoortut malillugit naammassillugit sanaartorfigineqareerpata taakku sinneruttoqassanngillat. Sumiiffiup immikkuualuttui C aamma D sinneruttoqanngilaq. Sumiiffiup immikkoortualuttua E sinneruttoqarpoq, nunniorneqaratalu kingorna sanaartorfissanngortinneqarsinnaalluni. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Sumiiffik Borgmesterip Anniitap Aqqusernganiit aamma Iggiaaniit aqqusineqartinneqarpoq.

Immikkut aalajangersagaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Sumiiffiup immikkuualuttuani E-mi sanaartunnginnermi ilanngussaq 2-mi nalunaaqutserneqartartutut immap nunniornissaa piumasaqataavoq. Sumiiffiup immikkuualuttuani sanaartorfinni 5A, 5B, 7A aamma 7B sanaatortoqannginnerani ilanngussaq 2-mi aamma ilanngussaq 4-mi nalunaaqutserneqartutut immap nunniornissaa piumasaqaataavoq.

Immikkut aalajangersagaqanngilaq

Immikkut aalajangersagaqanngilaq