Nuuk

Inuussutissarsiornermut atorneqartut umiarsualiveqarfiillu

Immikkoortup ilaa immikkuualuttunut 5-nut agguataassaaq, A-E. Immikkuualuttoq A: Immikkuualuttoq umiarsualiveqarfittut siunertanut atorneqassasoq aalajangiunneqassaaq, tassunga ilanngullugit umiarsualivinnut anginerusunut aamma/imaluunniit aalisarnermut sammisunut, talittarfimmut qanittumik inissisimanissamik pisariaqartitsisunut. Taakkua tassaapput umiarsuaatileqatigiiffiit, aalisakkeriviit, qerititsiviit kiisalu suliffeqarfiit aalisarnermik inuussutissarsiortunik sullissisut. Suliffeqarfinnut qulaani taaneqartunut atasumik assersuutigalugu allaffissornermut atuuffinnik, inaalitsiviit, sannaviit, qerititsiveqarfiit, tankeqarfiit assigisaannillu pilersitsisoqarsinnaavoq pingaarnertut suliffeqarfinnut tapertaasussanik. Immikkoortoq tamanna siunissami Containerinut tigooqqaavimmut uiggiullugu umiarsualivimmik alliliinissamut inissaqartitsisoqassaaq. Immikkuualuttoq B: Immikkoortoq umiarsualiveqarnermut siunertanut atorneqassasoq aalajangersarneqassaaq, taakkununnga ilanngullugu sammisanut mikinernut umiarsualivinnut tunngassuteqartut talittarfinnut qanittumik inissisimasariaqartunut. Tassunga ilanngullugit suliffeqarfiit assersuutigalugu quersuit, usingiaaneq, umiarsualivinni tunngasunut inissiisarnissat, umiarsualivinnut tunngasunik nioqquteqarneq aamma angallatinut ikummatissamillu tuniniaanerni sullissinerit kiisalu umiarsuarnut ikkussuinerit/elektronik. Immikkuualuttumi nunaminertat kiassaateqarfinnut aamma teknikkeqarfinnut atugassiissutigineqarsinnaapput immikkoortumi nunaminertanik atugaqarsinnaanermut piginnittunut. Tamakkua saniatigut immikkoortup ilaani 2D2 puttasunut atasumik biilinut inissiivinnut nunaminertamik tunniussisoqarsinnaavoq. Immikkuualuttoq C: Immikkoortoq inuussutissarsiorfittut umiarsualiveqarnermullu siunertanut atorneqassasoq aalajangersarneqassaaq tamaani allaffeqarfiit, sanaartornermik ingerlatsiviit, tunisassiorneq, sannaviit, suliffeqarfinnut allanut tuniniaasut, inaalitsiviit aamma angallassinermik ingerlatsisut inissaqassapput. Immikkuualuttoq D: Immikkoortoq umiarsualiveqarnermut aamma umiarsualivinni siunertanut atorneqassasoq aalajangersarneqassaaq, taakkununnga ilanngullugu umiatsiaaqqat talittarfiat taakkununngalu atuuffiit tapersersuutaasut soorlu neqitsersortarfik, qalulerivik, sannaviit, inaalitsiviit, biilinut inissiiviit assigisaallu kiisalu takornarianut angallatinut. Immikkuualuttoq E: Immikkuualuttoq umiarsualiveqarnermut siunertanut atorneqassasoq aalajangersarneqassaaq, taakkununnga ilanngullugit amutsivik kiisalu amutsivik puttasuliaq taamatullu umiarsualivimmut sammisut mikinerumaat talittarfimmut qanittumiittariaqartunut. Taakkununnga ilaapput suliffeqarfiit quersuit, usingiaanernik suliallit, sannaviit, umiarsualivinni nioqqutit aamma angallatinik sullissinermut taamatullu ikummatissamik tuniniaaviit soorluttaaq umiarsuarnut ikkussuinerit/elektronik. Immikkuualuttoq E pillugu piumasaqaataavoq, sanaartukkanik aallartitsinnani immamut killeqarfiup nunniorneqarnoissaa soorlu ilanngussaq 2-mi nalunaarsorneqartutut. Immikkuualuttumiittuni tamani sanaartukkat najugaqarfittut imaluunniit nakkutilliisumut inissiatut atuutinnginnissaat piumasaqaataavoq.

Immikkuualuttoq A-mi sanaartukkat nutaat arfinilinnik qulereeqarsinnaapput, nunamiillu illup qaliata nuuanut uuttorlugu 24 miiterinik portunerpaaffeqassapput. Immikkuualuttoq B-mi sanaartukkat nutaat sisamanik qulereeqarsinnaapput, nunamiillu illup qaliata nuuanut uuttorlugu 16 miiterinik portunerpaaffeqassapput. Immikkuualuttoq C-mi sanaartukkat nutaat sisamanik qulereeqarsinnaapput, nunamiillu illup qaliata nuuanut uuttorlugu 16 miiterinik portunerpaaffeqassapput. Immikkuualuttoq D-mi sanaartukkat nutaat marlunnik qulereeqarsinnaapput, nunamiillu illup qaliata nuuanut uuttorlugu 8 miiterinik portunerpaaffeqassapput. Immikkuualuttoq E-mi sanaartukkat nutaat pingasunik qulereeqarsinnaapput, nunamiillu illup qaliata nuuanut uuttorlugu 12 miiterinik portunerpaaffeqassapput.

Immikkuualuttoq D aamma E pillugit naatsorsuutigineqarpoq, immamut killeqarfimmi nunniortoqassasoq soorlu ilanngussaq 1-imi nalunaarsorneqartoq, sanaartukkanik pilersitsisoqarnera sioqqullugu. Immikkuualuttoq A aamma B pillugit naatsorsuutigineqarpoq, immamut killeqarfimmi nunniortoqassasoq soorlu ilanngussaq 1-imi nalunaarsorneqartoq, immikkoortup tamakkiisumik atorneqarsinnaanera sioqqullugu. Immikkuualuttut illoqarfiup ilaanut pilersaarummi sukumiisumik aalajangersakkat naapertorlugit tamakkiisumik sanaartorfioreerpata inissat sanaartorfissat nungussapput. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit.

Sumiiffik Borgmesterip Anniitap Aqqusernganiit aamma Iggiaaniit aqqusineqartinneqarpoq. Immikkuualuttoq A-mi sanaartorfissanngortussanut talittarfiup aqqusineqalernissaa periarfissaalissaaq, talittarfimmi nunaminertat tamakkiisumik akornutitaqanngitsumillu tikinneqarsinnaanerat qulakkeerniarlugu.

Immikkut aalajangersagaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Imartamik immersuineq immikkoortukkaartumik pilersaarut una malillugu pisinnaavoq: Tulleriiaarinermi immikkoortoq 1: Immikkuualuttoq A-mik imartamik immersuineq umiarsualiveqarfimmut anginermut aamma aalisarnermik tunngasunut. Tulleriiaarinermi immikkoortoq 2: Immikkuualuttoq D-mik imartamik immersuineq umiatsiaaqqanut talittarfimmut tassunga atuuttumik atortulersuutitalimmut. Tulleriiaarinermi immikkoortoq 3: Immikkuualuttoq B-mik imartamik immersuineq umiarsualiveqarfimmut atuuttunik atortulersuutitalimmut. Tulleriiaarinermi immikkoortoq 4: Immikkuualuttoq E-mik imartamik immersuineq imaanut atuuttumik atortulersuutitalimmut.

Immikkut aalajangersagaqanngilaq

Immikkut aalajangersagaqanngilaq