Nuuk

Qitiusumik ingerlatsiveqarfiit ataatsimoorussamillu pisoqarfiusartut

Immikkoortup atorneqarnissaa qitiusoqarfimmi siunertanut, illoqarfimmi soorlu atuarfinnut, meeqqerivinnut, kulturikkut timersornikkullu atortorissaarutinut aamma pisortat siunertaannut tamakkununnga assingusunut, taamatullu pisiniarfinnut, inuussutissarsiortunut namminersortunut, kiffartuussinermik ingerlatsisunut, kunnittarfimmut aamma inissianut atorneqassasoq aalajangersarneqarpoq. Immikkuualuttunut sisamanut aalajangersakkanik aalajangersaasoqassaaq: IMMIKKUUALUTTOQ A: Immikkoortoq qitiusoqarfimmi siunertamut, soorlu allaffeqarfinnut, inuussutissarsiutinut, akunnittarfimmut, neriniartarfimmut, inissianut quleriinnut atorneqarnissaa aalajangersarneqarpoq. IMMIKKUUALUTTOQ B: Immikkoortoq tamanut kulturimut tunngasunik siunertanut atorneqartussatut aalajangersarneqarpoq, pisortat namminersortullu sullissinermik suliffeqarfiutaannut, taakkununnga ilanngullugit allaffeqarfinnut, paaqqinnittarfinnut, ilinniartitsinermut, sunngiffimmi siunertanut, peqatigiiffinnut il.il. kiisalu inuussutissarsiutinut aamma inissianut. IMMIKKUUALUTTOQ C: Immikkoortup atorneqarnissaa qitiusoqarfimmi siunertanut illoqarfimmut tunngasunik atugassanngortinneqarpoq, soorlu: Pisiniarfiit, namminersortut inuussutissarsiorfii, peqqissaaviit, sullissinermut atuuttut, pisortat allaffeqarfii, paaqqinnittarfiit, inissiat quleriiaat, hoteli, neriniartarfik, biilinut qimatsivik aamma atortulersuutit teknikkimut tunngasut pisariaqartut il.il. IMMIKKUUALUTTOQ D: Immikkoortup atorneqarnera meeqqeriviliortoqarnissaanut tassa meeraaqqerivittalimmik meeqqerivittalimmillu tassungalu atasunik atortulersuutinik assigisaanillu tamanit atorneqarsinnaasunut siunertanut atugassiaavoq. IMMIKKUUALUTTOQ E: Immikkoortup atorneqarnera siunertanut ataatsimoorussanut soorlu inissianut, inuussutissarsiutinut mingutsitsinngitsunut, ornittakkanut kulturimullu siunertanut aalajangersarneqarpoq.

IMMIKKUUALUTTUNI A, B & D sanaartortoqarsinnaavoq 1-3-nik quleriilinnik. IMMIKKUUALUTTOQ C 5-it angullugit quleriilinnik sanaartorfiusinnaavoq. IMMIKKUUALUTTUMI E-mi sanaartorfissami E1-7-mi sanaartukkat 1-imik quleriilimmik, qalianik atorneqarsinnaasunik, sanaartorfiusinnaavoq, sanaartorfissamilu E8-10 quleriit 3 tungaanut sanaartorfiusinnaalluni.

Immikkoortoq 10.000 m² -imut sinneruttumik inissaqarpoq, illuliap inaarutaasumik ilusilersorneqarnera apeqqutaatillugu. Illut piusut isaterneqarnerisigiut illut nutaat aamma sanaartorneqarsinnaapput. Sanaartukkat pioreersut isaterneqarnerisigut immikkoortortami sinneruttumik inissaq katilluni 15.000 m²-iussaaq qitiusumik siunertanut atorneqartussanut aamma 40-nik inissiartalinnut, illut inaarutaasumik ilusilersorneqarnerat apeqqutaalluni. Sanaartorfissatut atugassiissutit atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortoq H.J. Rinksvejimiit, Børnehjemsvej aamma Kissarneqqortuunnguaq aqqusaarlugit aqquteqartinneqassaaq, kiisalu Naalakkap Qaqqaata tallissutaatigut.

Immikkoortup kujataata´tungaani immikkoortoq, Kissarneqqortuunnguup aamma Børnehjemsvejip (immikkuualuttoq E), akornanniittoq eriagisariaqartutut toqqarneqarpoq (immikkoortoq § 3), Naalakkap Qaqqaata eqqaani illoqarfiup ilaatut. Sanaartukkat nutaat inissiinermut ilusiliinermullu tunngatillugu immikkoortup ilaata oqaluttuarisaanikkut pingaaruteqassusianut nalequssarneqassapput.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq