1C15 - Ilinniarfissuaqarfiup eqqaa

1C15 (gl)

Henter...

  • Sumiiffik - illoqarfik/nunaqarfik

    Nuuk

  • Siunertat

    Qitiusumik ingerlatsiveqarfiit ataatsimoorussamillu pisoqarfiusartut

  • Atorneqarnissaa nalinginnaasoq

    Tamanut siunertat

  • Atorneqarnissaa

    Immikkoortup atorneqarnissaa tamanut siunertanut atortussanngorlugu aalajangersarneqarpoq, immikkoortunut C1-nut aalajangersakkat atuuttut innersuussutigalugit, linki.

  • Sanaartorfik

    Sanaartugaq nutaaq inissaqartinneqassaaq iluseqassallunilu, immikkoortumi eqqaaniittumi sanaartukkanut assingusunngortillugu. Sanaartorfissami A aamma B taamaallaat sanaartortoqarsinnaavoq portunerpaaffissaq 43 tungaanut. Sanaartorfissami C taamaallaat portunerpaaffissaq 34,5 tikillugu sanaartortoqarsinnaavoq. Sanaartorfissaq D-mi sanaartugaq nutaaq annerpaamik 3-nik quleriilittut aamma portunerpaaffissaq 56 tikillugu suliarineqarsinnaavoq. Sanaartorfissaq E-mi taamaallaat portunerpaaffissaq 44 tikillugu sanaartortoqarsinnaavoq. Sanaartorfissaq F-imi taamaallaat portunerpaaffissaq 43 tikillugu sanaartortoqarsinnaavoq. Sanaartukkat nutaat inissisimaffii ilusaallu immikkoortup ilaata ilusereeriigaanut immikkoortullu ilaata oqaluttuarisaanermik isikkuanut naleqqussarneqassapput.

  • Inissaq sinneruttoq

    Sanaartorfissatut atugassiissutit atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

  • Angallanneq pilersuinerlu

    Immikkoortoq Gertrud Raskvej-niit aqquteqarpoq.

  • Eqqissisimatitat allanngutsaaliukkallu

    B-144 aamma B-1401 allanngutsaaliugaapput. B-131, B-132, B-148 aamma B151 erigiasarialiupput. Illut taakku kommunalbestyrelse akuersiteqqaartinnagu isaterneqassanngillat silataaluunniit allanngortiterneqassanngillat.

  • Immikkut aalajangersaaffigisat

    Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput. Immikkoortoq nalunaarasuartaateqarfimmi killiliussanut ilaavoq. Killiliussaq nikerarsinnaavoq, nalunaarasuartaateqarfiup atortulersuutai nunami sumiinnerat apeqqutaallutik. Immikkoortoq tamanna sanaartorfigineqassanngilaq imaluunniit killiliussamut aalajangersakkanut naapertuutinngitsumik atorneqassanngilaq.

  • Illoqarfimmik nutarterineq pitsaanerulersitsinerlu

    Illooreersut taartissaattut aamma allilerneqarnerannut tunngatillugu nutaanik illuliortoqarsinnaavoq.

  • Immikkoortukkuutaat

    Immikkut aalajangersagaqanngilaq

  • Nuna tamakkerlugu pilersaarusiornermi soqutigisat

    Immikkut aalajangersagaqanngilaq

  • Sanaartorfiusussaanngitsut

    Immikkut aalajangersagaqanngilaq

  • Status

    Akuerisaq

Immikkoortortap pilersaarutaa atuuttoq/illoqarfiup ilaanut pilersaarut atuuttoq:

  • DK

    https://sermersooq.cowiplan.dk/media/4323/1c15_abcde_dk.pdf

  • KN

    https://sermersooq.cowiplan.dk/media/4325/1c15_abcde_kal.pdf