Nuuk

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiup atorneqarnera qitiusumik siunertamut (C) aalajangerneqassaaq, sumiiffimmi siunertanuttamanut. Taamaasilluni sumiiffiup atugassanik pisiniarfinnut, tamanut ammasumik privatimillu kiffartuussivinnut, inissianut, neriniartarfinnut, pisortat allaffeqarfiannut, suliffeqarfinnut, peqqissutsimut siunertalinnut assigisaanu sinaakkusiisinnaassaaq. Maannakkut pilersaarut malillugu immikkuualuttut sisamat atugassanngortinneqarput: Immikkuualuttoq A inissianut, suliffeqarfimmut inuussutissarsiornermut kiisalu aallartitaqarfinnut siunertalinnut atugassiissutigineqarput. Immikkuualuttoq B pingaarnertut inissianut nunallu allat sinniisoqarfiinut atugassiissutigineqarpoq, matumani inuussutissarsiuteqarnernut, kommunimut pilersaarut atuuttoq naapertorlugu qitiusoqarfimmut ataqatigiissarneqarsinnaasumik, periarfissaqarluni. Immikkuualuttoq C pingaarnertut katersugaasivimmut, sannavinnut, inuussutissarsiortunut, neriniartarfinnut kiisalu isiginnaariartarfinnut siunertalinnut atugassanngortinneqarpoq. Immikkuualuttoq D sukisaarsarfittut periarfissiinermi pinnguartarfinnut, sammisassaqartitsinermullu nunaminertaq atugassanngortinneqarpoq.

Illuliaq nutaaq eriagisassatut sumiiffimmi illoqarfiup avatangiisaanut tulluarsagaassaaq, tassanilu ilusilersorneqarnera, atortutigut qalipaatitigullu. Illup saavi qisuussapput, ammut qummulluunniit sammisunik qallikkat. Silatai kalaallit illuinik qalipaatinik pisarneq malillugu qalipanneqassapput. llassut 4-mi qalipaatit qalipaasersuutillu toqqagassat takuneqarsinnaapput. Nunatta Katersugaasivianiit "Kalaallit Nunaanni pisarneq malillugu illut qalipaatai"-nut ilitsersuut aallaavigalugu toqqagaapput. Siunnersuutaapput, aammattaaq illup qalipaatitoqaa ingerlateqqinneqarsinnaavoq. Sanaartukkat qaliai illugiissunik assigiimmik sivinganeqassapput. Illup qaliata uinganera 20°-50° akornanniissaaq. Qaliat tamarmik qalissiamik qernertumik qisuit sannakuinilluunniit qallerneqassapput. Immikkoortup ilaa 1014 maanna illuliortaatsikkut ilusaa attatiinnarneqassaaq, illuliat immikkoortut titarniusamik amitsumik kiisalu nunaminertanik ammasunik angisuunik akunneqarlutik ingerlaffissaqartut. Sukat annerpaamik illup toqqaviani nunatap portunerpaaffianit 0,3 m-iussapput.

Sanaartorfissatut atugassiissutit atorneqareerpata, immikkoortoq tamakkerluni sanaartorfigineqareersutut inissaqartitsiffiunngitsutullu isigineqalissaaq. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortoq Hans Egedesvej-niit aamma John Møllerip Aqqutaa-niit aqquteqarpoq. Immikkoortumut Tuapannguit, Kuussuaq Qapiarfiusaamullu aqqusinernik majuartarfinnillu arlalinnik atassuteqareerpoq. Taakku attatiinnarneqassapput. Hans Egedep Aqquserna B-75-imiit biilinut angallattunut matuneqassasoq, suliassaqartulli angallassinissaat periarfissiissutigalugu. Ilanngussaq 2 takuuk. Immikkoortup ilaani, angallannermut aaqqissuusineq nutaaq nunami angallannermut aqqusinermut atatillugu annikillisaasoqassaaq. Immikkuualuttoq D biilinik angallannermut asserneqassaaq. Immikkuualuttoq D-p atorneqarnera sissaq sinerlugu aqqummut ingerlatiinnarneqassaaq. B-234, B-283, B-2369 aamma B-45 eqqaanni aqqusineq bilertunit aqqutigineqarsinnaassanngilaq, nunaminertamik atuisinnaasunillu, B-normut taaneqartut, taamaallaat atorneqarsinnaassaaq.

Immikkoortoq Orsiviup avannaaniittoq immikkut eriagisariaqartutut aalajangiiffigineqarpoq (§2-immikkoortutut). B-36, B-37, B-43, B-68, B-74, aamma B-78 eqqissisimatitaapput. B-48, B-398, B-515, B-514, B-34, B-58, B-2370, B-32, B-75, B-53, B-81, B-29, B-70, B-1859, B-1860 aamma B-66 tassaapput eriagisassat.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Immikkut aalajangersagaqanngilaq

Nunatta Katersugaasiviata aamma Najukkami Katersugaasiviup akornat sanaartorfigineqassanngilaq.