Nuuk

Najugaqarfiit

Inissiaqarfissatut sanaartukkat siammasissut-pukkitsut.

Akuttunerusunik pukkitsunik inissialiornerit

Immikkoortoq inissialiorfigineqassaaq ilaqutariit ataatsit aamma affarleriit illuinik siammasissunik, pukkitsunillu immikkoortunik sanaartornikkut. Killilimmik inuussutissarsiorfittaqarsinnaasut naleqqussarneqarsinnaanerat periarfissaavoq, X-Inissiaqarfissaannarnut aalajangersakkat atuuttut innersuussutigalugit, linki nalinginnaasoq.

Nutaamik sanaartornermi ilusilersuineq, atortulersuineq qalipaasersuinerlu sanaartukkanut pioreersunut tulluarsaalluni ingerlanneqassapput. Illut init quleriinnit 1 ½-imit portunerussanngillat. Sumiiffik kulturikkut oqaluttuarisaanermut annertuumik pingaaruteqarmat, sanaartukkat sumiiffimmut naleqqussarneqassapput, taamaattumillu tassunga tunngasumik sukannersunik piumasaqartoqarsinnaalluni. Nunataa allanngortiterneqassanngilaq, illumik portunerulersitsinermik siunertaqartumik. Nutaanik sanaartornerit suulluunniit annertuunilluunniit allannguinerit tamarmik akuersissutigineqaqqaartassapput, tassuuna qulakkeerniarlugu sumiiffimmi kulturikkut naleqartitat naleqqutinngitsumik takussunarsisinneqannginnissaat.

Immikkoortup ilaa tamarmi sanaartorfiuvoq, tamaanilu sanaartorfissanik nutaanik immikkoortitsisoqanngilaq. Sanaartukkat attuuttut ilalertorneqarsinnaapput isaterneqarlutilluunniit sanaartorfigisassalluunniit atuuttut atorlugit nutaanik sanaartorfigalugit, 100 m2-it tungaanut sumiiffinnilu ataasiakkaani 120 m2-inik annertussuseqassallutik. Immikkuualuttup 1: Immikkuualuttoq 1-imi illooreersut isaterneqassappata, pioreersut naapertorlugit sanaqqinneqassapput. Imaalluni pioreersuni toqqavitsigut portussuseq, nunamiit uuttorlugu portunerpaaffia illullu qaliata sivinganera sanaartukkani nutaani pilerseqqinneqassapput. Sanaartukkat annertussusaat pillugit aalajangersakkat allat immikkut aalajangersakkaniipput. Immikkoortumi teknikikkut atortulersuutiliisoqarsinnaavoq, teknikikkut atortulersuutilersornermut aalajangersakkat atuuttut naapertorlugit, linki nalinginnaasoq.

Immikkoortoq Gertrud Raskip Aqqutaanit Qaannivinniillu aqqusineqarpoq.

B-149, B-292, B-837, B-843, B-841, aamma B-978 tassaapput illut eriagisariaqartut. Immikkuualuttoq 1 tassaavoq eriagisarialik. Illut ataasiakkaarlutik isikkoreqqaagaat allanngortinneqassanngilaq, ataatsimut isigalugit sumiiffimmi eriagisariaqarnerat pingaaruteqarmat. Sumiiffiit eriagisariallit, aamma illut atortulersuutillu eriagineqarnissaat noqqaassutigineqassaaq. Eriagisarialinnut tunngasut qulakkeerneqarniassammata allannguutissatut qinnuteqaatinut kommunalbestyrelse piumasaqaateqarsinnaavoq. Sanaartukkat nutaat inissiinermut ilusiliinermullu tunngatillugu immikkoortup ilaata oqaluttuarisaanikkutpingaaruteqassusianut nalequssarneqassapput. Illunik eriagisarialinnik iluarsaassineq aserfallatsaaliinerlu ilusai, sananeqaatai atortuilu ataqqillugit suliarineqassapput.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq

Immikkut aalajangersagaqanngilaq