Illup angissusissaa, tassunga ilanngullugit ilaatigut illup portussusissaa illullu quleriivisa amerlassusissaat, kommunimut pilersaarummut tapiliussami aalajangersarneqarsinnaapput. Illup portussusissavia imatut naatsorsorneqassaaq:
- Sukarsuit toqqaviillu
- Quleriit portussusiat
- Qaliata isikkussaa toqqaviata isikkussaa
- Nunap qanoq ittuunera
Sukarsuit toqqaviillu init allerpaat nunamut tunngasuunnginnissaat qulakkiissavaat, kisiannili pisariaqanngitsumik nunamit portuallaartumiissanngillat. Nunaqarfinni illut toqqavii illoqarfinni toqqavinnit portunerusinnaapput nunaqarfinni aputaajaasarneq ajornakusoornerusarmat.
Quleriit amerlassusiat
Quleriinni ataatsimiippoq ini imaluunniit init nateq naligalugu ittut. Ataatsimut quleriit amerlassusiinik naatsorsuinermi tulliuttumi naatsorsuinermut najoqqutassaq takuneqassaaq.
Illuni nikingasunik quleriilinni imaluunniit ilanngussamik quleriilinni quleriit amerlassusaat kommunalbestyrelsimit aalajangersimasumik nalilersuisoqarneratigut nalilerneqassapput.
Kiileri
Nateq nunap portussusaaniit pukkinneruppat, kiileritut naatsorsuutigineqassaaq.
Kiileri atorneqartoq 1,25 meteriuppat nunamiilluunniit portuneruppat, taava kiileri etagetut ilivitsutut naatsorsuunneqassaaq. Nunamiit 1,25 meterinit pukkinneruppat, taava kiileri etagetut naatsorsuunneqassanngilaq. 
Qaliaq:
Qaliaq atorneqartoq najugaqarfittut, toqqorsivittut teknikkeqarfittut assigisaanullu atorneqarsinnaavoq.
Immikkoortup ilaanut aalajangersakkani akuerineqarpat qalia najugaqarfinngortinneqarsinnaavoq. Tassungali apeqqutaavoq, eqqaamiunit ilummut isigisoqarsinnaanera akornutigineqannginnersoq.
Quleriit amerlassusiinik naatsorsuinermi qaliata trempelia 1 meterimit portuneruppat taanna quleriittut ataatsitut ilivitsutut naatsorsuunneqassaaq. Trempelip portussusaa natermiit qaliata sinaakkutaata napatitsisuanut uuttortarneqassaaq. Illu illuinnaanik sivinganeqarpat, taava qaavata sivingarnani pukkinnerup trempeliata portussusianiit uuttorneqassaaq. Nunamiit illup qaavanut portussusia portunertaanut tunngasoq malinneqassaaq.
1 ½-mik quleriilik
Taaguut 1 ½-mik quleriilik immikkoortut ilaanni ammasumik pukkitsumik sanaartukkanut atorneqarajuppoq. 1 ½-mik quleriilik illuuvoq quleriiunani qalialik, qalialu inigineqarsinnaasoq. Illuusinnaavoq sananeqarnermigut qaava illugiimmik sivinganilik aamma illuinnaanik sivinganertaqarsinnaasoq.
Trempeli portusooq qalianik inissaqartitsinerussaaq silataalu portunerulluni. Qaliani aamma aniingaaneqarsinnaavoq, init atorneqarsinnaaneranik annertunerulersitsisumik.
Illu 1 ½-imik quleriilik aamma naqqup ataani initaqarsinnaavoq. Immikkut pisoqartillugu 1 ½-mik quleriilimmik illu kiilereqartinneqarsinnaavoq, qaavata ilaa nunamiit 1,25 meteri sinnerlugu portunerutillugu, illu sivingasumi inissisimappat. Taamaattorli illu aqqusinermiit imaluunniit sanilerisamiit marlunnik quleriilittut isikkoqartinneqassanngilaq. Sukaanut portussutsinut killilersuutit illoqarfiup ilaanut pilersaarummi allassimasutut pukkinnerpaaffissaanut aalajangersagaq malinneqassaaq.
Illut sivingasumi maniilakuluttumilu sanaat, imaattunik qulakkeerinniffiussapput:
- immikkoortup pissusiviata allanngortinnginnissaa
- immikkoortumi sanaartukkat tamarmik naleqquttumik inissisimatinneqarnissaat eqqarsaatigineqassasoq
- illut portussusissaat quleriillu amerlassusissaat pillugit kommunalbestyrelsip aalajangersagai naapertuuttut eqqumaffigineqassasut
Sanaartukkanut immikkuullarissunut qulaani immikkoortut imaluunniit immikkoortut ilaannut tamakkiisunut tunngatillugu qulakkeerneqarnissaannut kommunalbestyrelsip atortussai tassaapput najoqqutassamik arlalinnilluunniit oqaasertaliinissaq, annertussutsimik pilersaarutinik taasartagaannik, sanaartorfissami/immikkoortup ilaani nunaminertami pioreersumi nalilersuinerup kingornagut aalajangersarneqartussanik, aammalu nunaminertaq avatangiiserisaq eqqarsaatigalugu.