Qinnuteqartumit qulakkeerneqassaaq, qinnuteqaat tamakkiisuunersoq aamma nunaminertanik atorneqarsinnaasunik nalunaaruteqarnermut atatillugu piumasaqaatinut naapertuunnersoq.
- Qinnuteqaatit allakkatigut tiguneqartut imaluunniit nammineerluni ulloq taanna tunniussat ataatsikkoortutut naatsorsuunneqassapput. Qinnuteqaatit arlallit ataatsikkut tiguneqarpata, nunaminertaq qinnuteqaateqartut akornanni makitsissutissanngortinneqassaa.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuk inoqutigiinneersoq, inuit allat qinnuteqaammut tunngatillugu imaluunniit toqqaannartumik attuumassuteqartut - ataatsimoorussamik soqutigisaqaqateqartut, imaluunniit ingerlatseqatigiiffinnut inunnullu ingerlatseqatigiiffimmiittunut - piginnittutut imaluunniit ingerlatseqatigiiffiup aqunneqarneranut ilaasut - allalluunniit ingerlatseqatigiiffimmut taassumaluunniit aqunneqarneranut qanimut attuumassuteqartut makitsinermi peqataatinneqarsinnaanngillat, nunaminertanut ataasiakkaanut ataasiinnarmik qinnuteqaateqartoqarsinnaammat. Aamma suliffeqarfissuarnut tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisoqartunut il.il. immikkut qinnuteqarnissaq inerteqqutaavoq.
- Kinaluunniit, tassa imaappoq inuit ataasiakkaat, suliffeqarfiit, ingerlatseqatigiiffiit aamma peqatigiiffiit nunaminertamik qinnuteqaateqarsinnaapput, sumi najugaqarneq angerlarsimaffeqarnerluunniit apeqqutaatinnagu.
- Nunaminertat nutaat pillugit nalunaaruteqarnermut atatillugu qinnuteqarnermi siullermik nunaminertamik inniminniinermut qinnuteqartoqassaaq kingornalu nunaminertamik atugassinneqarnissamik qinnuteqartoqarluni.
- Nunaminertamik inniminniinermut qinnuteqaammut ilanngunneqassapput nunaminertap atorneqarnissaanut piffissalersuut aamma qinnuteqartup aningaasaqarnikkut nunaminertamik atuinissaminut akiliisinnaassusiata uppernarsarneqarnera.
- Nunaminertamik inniminniineq atorunnaarpat nunaminertaq nunaminertamut qinnuteqartumut utaqqisut allattorsimaffiani tulliusumut ingerlateqqinneqassaaq.
- Nunaminertaq utaqqisunut allattorsimaffimmi utaqqisoqarunnaarneratigut atorneqarsinnaalerpat imm. 6 malillugu qinnuteqartut tulleriiaarlugit suliarineqassapput.
- Qinnuteqartup piffissaliunneqartoq eqqortinngippagu imaluunniit pisariaqartunik uppernarsaatinik tunniussinngippat, piffissaliunneqartoq qaangiuppat nunaminertamik inniminniineq ilimasaarutitaqanngitsumik atorunnaarsinneqassaaq.
- Nunaminertamik atugassiisoqaraangat nunaminertamut utaqqisunut allattorsimaffik atorunnaartarpoq. Nunaminertaq atugassanngoqqissappat tamanna nutaatut saqqummiunneqassaaq.