Nunaminertamik nutaamik atuilersitsinerit tamarmik Kommunalbestyrelsip nunaminertamik atugassiilluni akuersissuteqarneratigut pisussaavoq. Aamma nunaminertat illulluunniit allatut atorneqarnissaat, nunamik allannguinerit kiisalu tunniussinermi aamma illunik nappaaqqinnermi.
Nunaminertamik atugassiisarneq tunniunneqartoq allamut atugassinneqartussaanngilaq piginnittussaatitaasumullu allamut tunniussinissaq aatsaat nunaminertamik oqartussaqarfimmit tunniunneqarsinnaalluni. Taamaattumik piginnittumit allamut illumik aammalu/imaluunniit sanaartukkamik pisinermi, imaluunniit kingornussinermi aammalu pigisanik piginnittussaatitaanerit piviusunngortinnerini, nunaminertamik atugassiisarnikkut atuinissamut piginnittussaatitaaneq suliarineqassaaq.
Quppernermi tassani ataavartumik nunaminertamik atugassiisoqartillugu nalunaaruteqartoqartassaaq.
Nunaminertamik atugassiissutit nalunaarutigineqarsimasut linkimi ilanngussami uani nunagis.gl-imi takuneqarsinnaapput.
Sanaartorfissat suli atugassiissutigineqanngitsut
Linki: Sanaartorfissat suli atugassiissutigineqanngitsut
Nunap assingani Kommuneqarfik Sermersuumi sanaartorfissanik aamma killiffiinik allaaserinninnermik imaqarpoq. Sanaartorfissaq atugassanngortitaasimasinnaavoq, inniminnerneqarsimasinnaavoq, atugassiissutigineqarsimasinnaavoq (nunaminertanik atugassiineq) imaluunniit suli atorneqariaannanngorsimasuusinnaalluni.
Nunaminertanik qinnuteqaatigineqarsinnaasunik atugassiissuteqaleriarpat kommune tamanut nalunaaruteqassaaq:
Linki: Nunaminertat pillugit saqqummiussineq
Nunaminertamik atuisinnaatitaaneq niuerutigineqassanngilaq imaluunniit taarsigassarsianut qularnaveeqqusiunneqassanani.
Nunaminertamik atugassiisarneq pillugu nalinginnaasumik paasissutissiineq
Illit innuttaasutut, inuinnartut suliffeqarfittulluunniit assersuutigalugu illuliorusukkuit nunamik atuisinnaatitaavutit. Nunaminertamik atugassinneqarnissamut qinnuteqaateqarnikkut nunaminertamik atuisinnaatitaavutit.
Ugguuna annertunerusumik paasisaqarit:
Linki: Nunaminertamik atugassiineq – Kommuneqarfik Sermersooq
- Nunaminertamik atugassiineq nunaminermik pilersaarusiornerup soqutigisaanut, Namminersorlutik Oqartussat immikkoortunut inatsisaannut imaluunniit pilersaarusiornermi nunamik pilersaarusiornermut tunngasunik soqutigisanik akerliusumik atugassiisoqassanngilaq. Nunaminertamik atugassiineq aamma kommunimut pilersaarummut naapertuuttuussaaq, immikkoortup ilaanut pineqartumut aalajangersakkat aamma naapertorlugit.
- Nunaminertamik atugassiinerup atugassinneqartoq nunaminertap erseqqinnerusumik qanoq atorneqarnissaa pillugu taaneqartut malillugit pisinnaatinneqarpoq.
- Nunaminertaq atorneqaqqussaanngilaq allakkatigut nunaminertamik atugassiineq nalunaarutigineqartinnagu.
- Nunaminertamik atugassiissutit nutaat nunaminertamik oqartussaqarfiup NunaGIS/NIN-imut - Kalaallit Nunaanni Nunaminertanik nalunaarsuiffik - nalunaarsussavai - linki innersuussutigalugu.