Pilersaarusiornermut periusissaq 2023-mi politikkikkut aalajangerneqarpoq kommunimut pilersaarummik ilaanik nutarterisoqarnissaa. Pilersaarusiornermi periusissami takorluukkat, pingaarnertut naleqartitat suliassaqarfiillu qitiutinneqartut tassunga tunngaviliisuussapput.
Kommunimut pilersaarummut 2036-mi suliniutit nutaat
Kommunimut pilersaarutip 2032-p kingorna pilersaarusiornermut inatsimmik nutaamik atuutsitsilertoqarpoq, tassa Pilersaarusiorneq aamma nunaminertat atorneqartarnerat pillugit Inatsisartut inatsisissaannik Namminersorlutik Oqartussat nalunaarutaat nr. 4, 25. januar 2024-meersoq
Kommunimut pilersaarut 2036-mi pilersaarutit aalajangersakkallu pilersaarusiorneq pillugu inatsimmut nutaamut nalimmassarneqartarput. Aamma kommunimut pilersaarummi siunissami immikkoortunik pilersaarusiorfiusunik nutaanik pilersaarusiornermut inatsimmi pisinnaalersunik atungassiisoqarpoq.
Nunap immikkoortuinut najugaqarfinnullu ataasiakkaanut qulequtaritinneqartut ukkatassallu pilersaarusiorneq pillugu inatsit malillugu nutarterneqarput maannalu qulequtaritinneqartunut ilaatinneqarlutik.
Taakku saniatigut kommunimut pilersaarut sakkutut peqataaffigineqarsinnaalernerullunilu atorneqarsinnaalersinneqarpoq innersuussinerit kiisalu misissuiffiginninnerit eqqarsaatigalugit.
Kommunimut pilersaarut 2032-mit uani Kommunimut pilersaarummut 2036-mut allannguutit tamarmik kiisalu immikkuualuttunut allannguutit uani takuneqarsinnaapput: Link Najoqqutassaq
Peqataatitsineq
Kommunimut pilersaarummik suliaqarnermi Kommuneqarfik Sermersuup innuttaasut, suliffeqarfiit allallu soqutigisaqaqatigiit tunngavimmik suleqateqarsimapput. Kommunimut pilersaarummik uuminnga ineriartortitsinermi kommunimi najugaqarfinni pingaarnerni arlalinnik oqaloqatigiilluni ataatsimiisitsisarsimavoq. Taakkunani isumassarsiat isummallu assigiinngitsut pissarsiarineqarlutillu oqaloqatigiissutigineqarsimapput.
Isummersuutit ilanngussallu suliap ingerlaneranit tigooqqarneqartut pissarsiffiulluarsimasaqaat sapinngisamillu annerpaamik pisariaqaraangatalu kommunimut pilersaarummut uunga ilanngunneqarsimallutik.
Tamanut tusarniaaneq
Kommunimut pilersaarummut tapiliussap inaarutaasumik akuersissutigineqannginnerani kommunalbestyrelsimit tapiliussassatut siunnersuut tamanut nalunaarutigineqassaaq, taamaalillutik innuttaasut soqutiginnittullu allat pilersaarutip imarisaanik paasisaqarsinnaaniassammata immaqalu aamma pilersaarut pillugu oqaaseqaateqarsinnaallutik akerliussuteqarsinnaallutilluunniit. Tamatuma kingorna pilersaarutip inaarutaasumik akuersissutigineqannginnerani kommunalbestyrelsip akerliliissutaasinnaasut allannguutissatullu siunnersuutaasinnaasut nalilersussavai.
Kommunimut pilersaarummut tapiliussassatut siunnersuut 2036 tamanut tusarniaassutigineqarpoq, piffissami 11.11.2024 – 06.01.2025. Oqaaseqaatit kingusinnerpaamik ulloq 06.01.2025 uunga nassiunneqassapput:
plan@sermersooq.gl