2024-mi januaarimi Tiilerilaami innuttaasut 94-it najugaqarput. Ukiut kingulliit ingerlanerini innuttaasut amerlassutsimikkut ikiliartulaarput, taamaattorli ataatsimut isigalugu aalaakkaasuulluni. Taamatut ingerlaneq siunissami ingerlaannassasoq naatsorsuutigineqarpoq. Taamaattorli ukiuni 20-ni kingullerni innuttaasut amerlassutsimikkut ikiliartuinnarsimapput. 2006-imi januaarimi innuttaasut amerlassutsimikkut 165-iupput. Ukiuni kingullerni 20-ni qaffasinnerpaajulluni. Ukioqatigiikkuutaani tamani innuttaasut ikiliartorput 65+-inik ukiullit minillugit, taakkua aalaakkaasimapput.
Fællesområder
Kommunimi ataatsimoorussat immikkoortuni marlunni inissisimapput. Immikkoortumi siullermiipput umiarsualiviup eqqaani pisiniarfik, qui, allakkerivik, banki, tarajorterivik. Gassiisivik tankeqarfillu. Immikkoortup aappaaniillutik umiarsualiviup avannaa´tungaani atuarfik, oqaluffik, illu sullissivik, katersortarfik qatserisarfillu.
Inissiaqarfiit
Inissiat 71-iupput taakkunannga 15-it inoqaratik. Inissiat ataatsimoorussaqarfinnut qanillutik nunaqarfiup qeqqata nalaani inissisimapput.
Kommunip inissiaatai ingerlaavartumik aserfallatsaaliorneqassapput inissianik piffissamut naleqquttunik peqarnissaa qulakkeerniarlugu.
Allanngutsaaliuisitsinermi soqutigisat
Eriagisarialinnik soqutigisallit eqqarsaatigalugit illut eriagisariallit pillugit aalajangersagaliortoqarpoq taakku ingitserneqaqqusaannginnerat, aamma illut titartarneqaqqaarnerat sannaasalu eqqarsaatigineqartarnissaat pillugit
Tiilerilaami illunik eriagisarialinnik nalunaarsuisoqarsimanngilaq.
Nunaminertat sukisaarsaartarfiit
Inoqarfiup pingaarnertut inissisimaffiani nunaminertat akornanni najugaqarfiullu killeqarfia qanittumi sukisaarsaartarfittut atugassiaapput.
Inuussutissarsiuteqarfiit
Tiilerilaami Isertumilu inuussutissarsiornikkut puisinik piniarneq tamanut tunngaviuvoq.
Nunaqarfinni tunisassiorfeqalernissaanut aamma puisit amiinik mersortarfeqarnissamut periarfissat takkutissagaluarpata taakku Isertumi aamma Tiilerilaami inissinneqartariaqarput.
Attaveqaasersuutit
Helistop nunaqarfiup avannaani inissisimavoq.
Tiilerilaap 1 kilometerit missaannik aqquserngata nunaqarfiup atuuffiinut pitsaasumik aqquteqarnissaa qulakkeerpaa.
Nunaqarfik umiarsualiviup eqqaani innaallagissiorfimmiit innaallagissamik pilersorneqarpoq. Innaallagissiorfiup piffissami pilersaarusiorfiusumi allilerneqarnissaa pisariaqarsimanngilaq.
Imermik pilersuineq nunaqarfiup avannaani tatsimit, erngup aqqutaatigut aamma ukiumi imermut tankimit imertarfigineqarsinnaasumit pivoq. Taseq imeqarfik pallitsaalillugu killeqarfeqarpoq.
Imikoorut qasertoq nunamut kuutsinneqartarpoq. Eqqakkanut anartarfilerinermullu aaqqissuussaqarpoq eqqaavittalimmik.
Eqqakkat pisortanit eqqagassalerinermik ataatsimut aaqqissuussamut ilaatillugit passunneqartassapput, najugaqarfimmi eqqakkat poortorneqariarlutik Nuummut ikuallaavimmut assartorneqartassallutik.
Umiarsualivik talittarfeqarpoq 8 meterinik takissusilimmik. Immap itissusia nalinginnasumik 4 meteriuvoq.