Illoqarfimmi sukisaarsarfiit immikkoortullu attatiinnarneqassapput aamma innuttaasunut tikeraartunullu iluaqutaasussamik ineriartortitsiinnarnissamut periarfissaqassaaq.
Naasuliartarpik sukisaarsarfiuvoq illoqarfiup sinneranut aqqutigissaartoq. Tassanngaanniit sineriammut sineriallu sinerlugu isikkiveqarlunilu aqquteqarpoq.
Kangerliumaneq avannarlermi umiatsianut nuannaariutinut talittarfiliortoqarsinnaavoq. Immikkoortup puttasunut atorneqarsinnaanngornissaanut nunniortoqarsinnaavoq / sapusiortoqarsinnaavoq.
Sumiiffinni imaani sikumut aqqutigissumi sanaartorfigineqannginnissaa qulakkeerneqassaaq. Ukiuunerani imaani siku sukisaarsarfiuvoq pingaarutilik aalisarnermut, arsaannermut, ujakkaarnermut, qimussimut il. il. atorneqartarluni
Sukisaarsaartarfinnut atortuusiviit
Tasiilap illoqarfiani sukisaarsarfinnut atortuusiviit arlallit agguataarneqarsimapput. Illoqarfiup kujataatungaaniipput kujataani qitiusoqarfimmi sisorartarfik arsaattarfillu ivigaaraasalik.
Qitiusoqarfiup avannarlerpaavaniipput Tasiilami Timersortarfik illoqarfiullu arsamut minibane. Juullimut orpiliap inissisimaffiata atuarfiullu eqqaaniipput pinnguartarfiit.
Qaqqat arlallit qaavini sanaartorfiunngitsullu sinerlugit umiarsualivik sinerlugu nasiffeqartitserpoq issiavilinnik inussulinnillu ilaatigut immikkoortut sukisaarsarfiunerinik takutitsisunik. Sanaartorfigineqannginnissaat tikikkuminarnerulernissaallu anguniartariaqarput, soorlu katersugaasiviup eqqaani tummeralerneqarsimanera uninngaarfilerneqarsimanera pisimasoq, Tasiilaq pillugu Tamakkiisumik pilersaarut inngersuussutigalugu.