Sermiligaami januaarimi 2024-mi 198-inik inoqarpoq. 2008-mi januaarimi innuttaasut amerlassutsimikkut 233-upput. Ukiuni kingullerni 20-ni amerlanerpaaffiulluni. Taamaalilluni inoqarfik innuttaqassutsikkut ikileriarfiulaarsimagaluarluni aalaakkaapajaartutut taaneqarsinnaalluni. Taamatut nikerarneq ukiuni tulliuttuni ingerlaannassasoq naatsorsuutigineqarpoq. Ukioqatigiiaat tamarmik aamma aalaakkaapput.
Ataatsimorussaqarfiit
Nunaqarfiup qiterpasissuata tungaani kangerliumarngup eqqaa siunertanut ataatsimoorussanut atugassanngortinneqarpoq ilaatigullu umiarsualivik, pisiniarfik, quit, amernik tunitsivik, allakkerivik, atuagaateqarfiup immikkoortua kiisalu katersortarfik fritidsklubbilu inissisimallutik.
Inissiaqarfiit
Inoqarfimmi inissiat 70-it missaanniipput. Nunaminertamik annertunerusumik atugassiinissaq pisariaqassanngitsoq nalilerneqarpoq. Inissianik piffissamut naleqquttunik peqarnissaa qulakkeerniarlugu kommunip inissiaatai ingerlaavartumik aserfallatsaaliorneqassapput.
Allanngutsaaliuisitsinermi soqutigisat
Eriagisarialinnik soqutigisallit eqqarsaatigalugit illut eriagisariallit pillugit aalajangersagaliortoqarpoq taakku ingitserneqaqqusaannginnerat, aamma illut titartarneqaqqaarnerat sannaasalu eqqarsaatigineqartarnissaat pillugit
Sermiligaami illunik eriagisarialinnik nalunaarsuisoqarsimanngilaq.
Nunaminertat sukisaarsaartarfiit
Inoqarfiup pingaarnertut inissisimaffiani nunaminertat akornanni najugaqarfiullu killeqarfianut qanittumi sukisaarsaartarfittut atugassiaapput.
Inuussutissarsiuteqarfiit
Sermiligaap umiarsualiviani mikisumik tunitsiveqarpoq aamma nunaqarfiup kangiani tarajorterivik ingitsigassaqqissoq panersiivittalik inissisimallutik.
Attaveqaasersuutit
Helistop nunaqarfiup kujataata tungaani inissisimavoq.
Aqquserngup 400 meterit missaanniittup nunaqarfiup atuuffiinut naapertuuttumik aqquteqarnissaa qulakkeerpaa.
Nunaqarfik nunaqarfiup qeqqani inissisimasumit innaallagissiorfimmit innaallagissamik pilersorneqarpoq. Innaallagissiorfik piffissami pilersaarusiorfiusumi allineqarnissaa pisariaqartinneqanngilaq.
Imermik pilersuineq nunaqarfiup avannaatungaani tatsimit imeqarfimmit, imermut aqqummit aamma ukiumi imermut tankimit 1.390 m3-iusumit kuutsitsisarfilimmit pivoq. Taseq imeqarfik kaajallallugu palleqqusaannginneranut killeqarfimmik aalajangersagaqarpoq.
Tankeqarfioreersullu eqqaa 50 meterinik killeqarfilerlugu aalajangersaavigineqassaaq.
Eqqakkat pisortanit eqqagassalerinermik ataatsimut aaqqissuussamut ilaatillugit passunneqartassapput, najugaqarfimmi eqqakkat poortorneqariarlutik Nuummut ikuallaavimmut assartorneqartassallutik.