Illoqarfiup inuussutissarsiutit sumiiffiat aamma teknikkeqarnerup sumiiffia eqqarsaatigalugit inissaqarluarpoq. Sumiiffiit taakku amerlanersaat illoqarfiup kujataata tungani inississimapput aamma annerusumik minnerusumilluunniit ineqarfinnut nigorsimapput. Illoqarfiup umiarsualiveqarfia qeqqaniippoq aamma pitsaanerusunik ullutsinnullu naleqqunnerusunik talittarfiliornissamut timaata tungaanut atortorissaarutiliornissamut immikkoortumi inissaqarpoq. Umiarsualiveqarfiup siunertaanut ineriartortinnissaanut periarfissaqassappat, innuttaasut aqqutaanniit nalinginnaasumiit tikeraartullu umiarsualiveqarfimmik atuinerannit angallattut oqimaatsut inuussutissarsiortullu angallaffii sapinngisamik immikkoortinneqarnissaat qulakkeerneqassapput.
Illoqarfiup kangiatungaani inuussutissarsiuteqarfiit allilerneqarnissaannut inissaqarpoq, inissiivissat pitsaanerusut pilersinnissaannut torernerusumik ullutsinnullu naleqqunnerusumik pisinnaavoq.
Takornariaqarnermik ineriartortitsineq
Ataatsimut piffissami aggersumi takornariaqarnermi periarfissat misissorlugit suliarineqassapput, Tunumilu Tasiilaq qiteralugu siunissami suliarineqarsinnaasut aallaavigalugit takornariaqarnerup ineriartortinneqarnissaanut suliniutit ataatsimoortumik pilersaarusiorlugit.