Tasiilap illoqarfia Naasuliartarpimmiit marloqiusamik avinneqarpoq. Kujataatungaaniipput inissiaqarfiit, inuussutissarsiuteqarfik, teknikeqarfik eqqaavissuartalik, qulimiguulimmut mittarfik immallu eqqaani sukisaarsaartarfik. Tamatuma saniatigut inuussutissarsiuteqarfiup kujammut allinerani timmisartunut suluusalinnut mittarfimmut immikkoortup ilaa nutaaq atugassiarineqassaaq. Avannaatungaaniipput qitiusut marluk, umiarsualivik, inuussutissarsiuteqarfik, inissiat paaqqinnittarfiillu.
Illoqarfimmi aqutsisoqarfiit tamarmik siunissami ungasittumi attassiinnartumillu ineriartortitsiffiusumut ukkassissaaq. Taamaalilluni sulissutigineqassapput:
- Takornarialerinermi inuussutissarsiutitigullu siuarsaaneq illoqarfimmut tunngavileraanni siuarsaanissamut atugassarititaasut pitsaanerussapput
- Illoqarfik periarfissaqarfiatigut akulikinnerusumik sanaartorfiussaaq
Kommunimi pilersaarusiornermut periusissaq taanna siullertut pingaarnertullu piffissaqarluartumik illoqarfimmi inerisaanissamut periarfissaq ukkatarineqalernissaat siunertarineqarpoq, illoqarfiup nutarterneqarnissaanut iluaqutaassalluni – mittarfissap inissisimaffissaa aamma inuussutissarsiornermut periarfissat inissisimaffiinit illoqarfiup qeqqata inissiaqarfiillu pitsanngorsaaffigineqarnissaannut.
Tasiilaq pillugu Tamakkiisumik pilersaarut
2020-mi Kommunalbestyrelsip Tasiilaq pillugu Tamakkiisumik pilersaarut akuersissutigaa, taanna atorlugu Tasiilap illoqarfia ineriartortinneqassaaq.
Tamakkiisumik pilersaarummi aalajangersarneqarput illoqarfiup ataatsimut atorneqarnissaanut periarfissat siunissamilu qanoq ineriartortinnissaa aamma /imaluunniit sukkatsisarnissaa pitsaanerpaamik qanoq suliarineqassanersoq.
Pilersaarummi illoqarfiup pitsaaqutai pitsanngorsaaviginiarneqarput, taamaalilluni orniginarnera, qorsooqqinnera, illoqarfiup piujuartinneqarnissaa attatiinnarneqarniassammat, tassanilu illoqarfiup qeqqata ingerlalluarnissaa pingaartinneqassaaq, ataatsimoornissamut periarfissaqassaaq, illoqarfiup innuttaasui peqqinnissamut aalanissamullu periarfissinneqassallutik.
Tamakkiisumik Pilersaarutip piviusunngortinneqarnissaanik suliami aallartereersoq piffissami aggersumi ingerlariaqqitsinneqassaaq.