Aqqusernit aaqqissuussaanerat
Kommunimi illoqarfiit allat assigalugit Tasiilami biilillit amerliartorput.
Tasiilami aqquserngit ima suliaapput, tunngaviatigut ataasiinnaarmik ingerlaarfeqarpoq, aqqusinermik
heliportip kujammut kangianiit illoqarfiup avannaata tungaani timersortarfimmut atassusiisumik. Taanna kuup avannaa´tungaatigut allanut ingerlaarfeqarluni ingerlaqqippoq.
Aqqusineeqqat aaqqissuussaanerat
Aqquserngit akimorlugit illoqarfiup avataanut assigiinngitsunik
arlalinnik aqquteqarpoq aqquteeraqartiterlunilu. Aqqusineeqqat amerlanersaat inunnit
tummagaapput qallersorneqanngitsut, ataasiakkaallu ujaraaralersugaallutik.
Aqquteeqqat illoqarfikkut ulluinnarni attaveqaasersuutaallutillu
illoqarfiup avataanut pinngortitamut
taavungarsuaq attaveqaataapput.
Illoqarfimmi qeqqanut tamallu atuuffiinut pitsaasunik aqqusineeraqartitsinissaq qulakkeerneqassaaq.
Mittarfik
Ullumikkut qulimiguulik atorlugu silaannakkut angallassisoqartarpoq. Illoqarfiup kujataata kangiatungaani timmisartunut suluusalinnut mittarfissamut immikkoortup ilaanik atugassiisoqassaaq.
Kuuffissualersuineq
Tamat kuuffissuisa allilerneqarnissaanut suliaq ingerlaannassaaq.
Pilersaarusiornermut periusissap kommunalbestyrelsimit akuersissutigineqarneratigut inissiat najugarineqartut ilaat tamat kuuffissuinut attaveqartinneqartut 2030 tikitsinnagu 10 procentimik qaffatsinneqarsimassasut anguniagaavoq.
Eqqagassalerineq
Eqqakkat eqqakkat pisortani ataatsimut aaqqiissuteqarfigineqarnerinut ilaatinneqassapput, najugaqarfiit eqqagaat poortorneqariarlutik Nuummi ikuallaavimmut nassiunneqartassallutik.
Pressemaskiinap atornissaanut eqqakkallu poortornissaannut materialegårdenip allilerneqarnissaa pilersaarusiorneqassaaq.