Tamaat isigalugu Tunumi atuuppoq:
- Tasiilaq illoqarfittut pingaarnertut
- Eqqaaniittut nunaqarfiit Kuummiit, Kulusuk, Sermiligaaq, Tiilerilaaq aamma Isertoq
- Ittoqqortoormiit avannamut
Immikkoortumi tassani 2024-mi 3.030-t najugaqarput, taakkunani 1.829-it missaanniittut Tasiilami aamma 363-it Ittoqqortoormiini. Nunaqarfiit tallimat Tasiilap eqqaaniittut tamarmik 60 km-imik timmisartorluni ungasissusilimmi inissisimapput, Ittoqqortoormiillu avannamut 800 km-ip missaani inissisimalluni. Inoqarfiit arfineq marluk ataatsimoorlutik kommunimi Tasiilaq ineriartorfiulluni sumiiffiit katiteqqapput.
Sumiiffimmi ukiuni 1977-imit 2004-p missaanut 20%-imik innuttaasut amerliartornerat takuneqarsinnaavoq. Tasiilami innuttaasut amerlassusaat 2015-imi amerlanerpaaffeqarput 2.093-nik innuttaasoqarluni, taakkuninnga amerlasuut eqqaani inoqarfinnit nuuttuullutik.
PIffissami kingullermi pilersaarusiorfimmi (2020-2024) Tasiilami innuttaasut amerlassusaat 8 %-ip missaani appariarpoq. Piffissami pineqartumi tassanerpiaq Ittoqqortoormiini innuttaasut 5 %-imik amerleriarsimapput.
Innuttaasut amerlassusaat appariaraluartoq
Tasiilaq immikkoortumut tamarmiusumut illoqarfittut pingaarnertut suli pingaaruteqarpoq
Inoqarfiit mikinerusut siunissami Tasiilami neqeroorutinut – pitsaanerusunut – annertuumik pinngitsuuisinnaajunnaassapput. Nalinginnaasumik inoqarfinnut mikinerusunut politikki malillugu sulisoqartarpoq illut atorneqanngitsut isaterneqarnissaat aamma assigiimmik kiffartuussinerup pitsaassuseqarnissaanik pilersitsinissaq ukkataralugu. Inoqarfiit mikinerusut aalisarnermut takornariaqarnermullu aamma assigiinngitsunik periarfissaqassapput, ataatsimoorluni ineriartortinneqartussanik aamma sumiiffik tunngavigalugu.
Sermiligaami piffissami pilersaarusiorfimmi kingullermi innuttaasut amerlassusaat 5 %-imik apparialaarput
Isertumi piffissami tassani innuttaasut amerlassusaasa 33 %-imik appariarnerat misigineqarpoq.
Kulusummi 2020-mit 6%-imik apparialaarneq misigineqarsimavoq
Tiilerilaami piffissami 2%-imik annikitsumik appariartoqarpoq.
Kuummiini nunaqarfinni tallimaasuni kisiartaalluni innuttaasut 8%-imik amerleriarnerat misigineqarpoq
