Paamiut qeqqata aaqqissuussaanera immikkoortunut pingasunut immikkut ilisarnaateqartunut avinneqarsinnaavoq:
- Paamiut Qeqqa illoqarfiup qiteraa pingaarneq niuertarfeqarluni, paaqqinnittarfiit kiisalu allaffeqarfeqarluni.
- Illoqarfiup qeqqa oqaluttuassartalimmiippoq illoqarfitoqqamiilluni, annermillu tassaniipput illoqarfimmi illut eqqissisimatitat eriagisariaqakkallu.
- Illoqarfiup qeqqani Augo Lyngip Aqqutaaniittoq kangimut ipput atuarfik, katersortarfik timersortarfillu.
Immikkoortup tamakkiisup ilisarnaatigai nunaminertarujussuit sanaartorfigineqanngitsut periarfissalerujussuit. Ataatsimut Pilersaarummi illoqarfiup qeqqata aaqqissugaanerata ataqatigiinnerulernissaa ukkatarineqassaaq, illoqarfimmik ataatsimoorneranik misiginassalluni pingaartumik illoqarfiup qeqqani pioreersup akornani, illoqarfimmi suliniutinut sammisanullu sinaakkutassaalluni. Suliami tassani silami nunaminertat pitsanngorsarneqassapput, tamakkulu akornisigut aqqutit pitsanngorsarlugit piorsarneqassallutik.